«Сочи-2014» Олимпийский модмаш дене кылдалтын Советский районысо Ӱшнур национальный школышто «Олимпийский тул» военно-патриот фестиваль. Тудо январь мучаште район кӱкшытыштӧ эртен. А шонымашым пуышыжо – Ӱшнур школым вуйлатыше, Мер Каҥашын еҥже Валерий Фёдорович Галкин. Тиде шонымашым илышыш шыҥдараш Киров область гыч «Вятская юность» ВПСДО полшен.

Тыге фестивальыште Киров да Угарман кундемласе, Марий Элысе Советский посёлкысо школла, Ургакш лицей-интернат гыч кугурак класслаште ӱдыр-рвезе-влак участвоватленыт.

Фестивальын кокымшо кечынже РФ Кугыжаныш Думын депутатше Лариса Яковлева уна лийын. Тудын саламлымашыж деч вара организатор-влак олимпийский толкынын историйже дене палдареныт да «Сочи-2014» телымсе Олимпийский модмаш нерген каласкаленыт. Эртыше корным сайынрак шергалаш Киров оласе «Рубеж» кычалше отрядын «Кугу Ачамланде сар тоштерысе» да экспозицийже-влак полшеныт.

Йоча-влак Олимпийский эстафетыште, спортын тӱрлӧ видше дене кылдалтше мастер-классыште шке мастарлкышытым ончыктеныт, таза да патыр кушмо шотышто трениг-влакым эртеныт.