Всемарийский совет2015 ийыште ыштышаш паша нерген 22 январьыште Мер Каҥаш вуйвер погынымаште чолга марий еҥ-влак ойленыт. Погынымашым Оньыжа Анатолий Иванов вӱден.
Тыге эн ончычак Кугу Ачамланде сарыште сеҥымылан 70 ий темме вашеш эртарыме мероприятий-влак нерген йодышым каҥашыме. «Кугу Ачамланде сарыште сеҥымашке марий калыкын пыштыме надырже» конференцийым эртараш палемдыме. «Шарнымаш сорта» акций лийшаш. Марий калыкын тӱшкан илыме верлаште сарын геройжо-влакын, Павел Тойдемарын шӱгарысе памятникыштым вораҥдарыме да моло сомыл нергенат ойлымо.
Тыгак Марий самырыктукымын Россий кӱкшытан VII слётшым кушто, кунам да могай теме дене эртарыме нерген мутым вашталтыме. Кызытеш пале: Слёт Провой кундемын ик школыштыжо июнь мучаштырак лиеш, еш дене кылдалтше темым нӧлталаш шонат.
А «Пеледыш пайремым» 20 июньышто эртараш палемдыме.
Мер Каҥашын икымше кварталысе паша планжым пеҥгыдемдыме.
Обсуждение закрыто.