Всемарийский советПагалыме марий калык! Мер Каҥаш лÿм дене чыландамат алал кумылын шушаш у 2016 ий дене саламлем! Эртыше ий мыланна ятыр сайжымат, нелылыкымат конден. Туге гынат тиде пайрем кечын у ийым ме кажныже у ÿшан дене тÿҥалына. Марий калыкна шушаш ийыште у куат дене ончыко каяш тÿҥалеш, шонем. Вет илышнан кажне шöрыныштыжö — экономикыште, социальный да …
2015
63 записи
Мер Каҥаш вуйверын погынымашыже 2015 ий 17 декабрьыште эртыш. Тушто икмыняр йодышым каҥашышт. Оньыжа Анатолий Иванов 2015 ийыште ыштыме паша нерген ойлыш. Идалык мучко ятыр сомылым ворандарыме. Ончычсо семынак кок сессийым , пленумым эртарыме. Россий мучко илыше самырык-влакым VII слётыш чумырымо.
2015 ий 8 ноябрьыште кумдан палыме композитор Андрей Яковлевич Эшпай мемнан деч кайыш. Мер Каҥашын еҥже-влак родо-тукымжылан, лишыл еҥже, коллегыже, йолташыже-влаклан кугу чаманымашым ойлена. Андрей Яковлевич Эшпай марий калыкын чоныштыжо курымеш илаш тӱҥалеш. Кийыме мландыже пушкыдо лийже.
Мер Каҥаш да чолга еҥ-влак Марий форумын шыже сессийышкыже 2015 ий 6 ноябрьыште Оршанке посёлкышто чумыргеныт.
2015 ий 2 ноябрьыште Йошкар-Олаште Мер Каҥаш вуйверын погынымашыже эртыш. Погынымаште марий калыкын X погынжылан ямдылалтме нерген ойлышт. Погыным 2016 ий 14-16 апрельыште эртараш темлыме. Тиде йодышым тений 6 ноябрьыште Мер Каҥашын форумыштыжо каҥашышаш улыт. А делегат-влакым сайлыме шотышто кампаний 2015 ий ноябрь ден 2016 ий февральыште эртышаш.
Пагалыме марий калык! Тиде волгыдо пайрем кечын чыландамат Марий автономийлан 95 ий темме дене салмалем! 1920 ий 4 ноябрьыште Марий Калыкын Автономный Областьшым ыштыме нерген Москваште Декретым подписатлыме. Марий автономийым ыштымаш калыкнан илышыжым, вияҥме корныжым палынак сай могырышко вашталтен. Декрет марий-влакым пычкемыш гыч волгыдо илышыш луктын. Тунамак шкенан Марий Элнам ыштыме, калыкнан кöргö вийжым пеҥгыдемдыме шотышто …