Шочмо кундем ял, ола, посна район гыч тӱҥалеш. 465 ий ончыч Угарман кундемыште  Черномуж ял шочын. Таче Те, тыште шочын-кушшо, илыше калык, ялын волгыдо шочмо кечыжым палемдеда. Кугу пайрем дене Марий Оньыжа семын Мер Каҥаш да чыла марий калык лӱм дене шокшын-шокшын саламлем.

Те чыланат шочмо элнам тӱзатымашке, вияҥдымашке изи огыл надырым пыштеда. Тӱшка пашаште пӱтынь ял, район тырша, тыште кажне еҥын надырже раш коеш.

Черномуж кундемыште марий йылмым араледа, шочмо тÿвырам вияҥден шогеда. Тиде куандара. Ӱшаныме шуэш, тыгай суапле паша эшеат вияҥеш, шочмо йылмылан умбакыжат кугу тӱткыш ойыралташ тӱҥалеш. Вет шочмо йылмыжым палыше, тукымвожшым аклыше еҥ кумда илыш корнышто огеш йом, эре ончылно лиеш.

Шергакан таҥ-влак, шочмо ялда ончыкшымат тӱзланыже, у деч у сеҥымаш, шуко сай лектыш лийышт. Тыште илыше кажне еҥлан тазалыкым, пиалым, ласкалыкым тыланем. Тек Тыланда сылне ялыште илаш куанле лиеш. Тек шочмо мланде Тендам арала.

Пайрем дене!

Пагален, Марий Оньыжа Э.В. Александров.