2015 ий 15 майыште кумдан палыме профессор Иван Григорьевич Ивановын шочмыжлан (15.05.1935 – 12.02.2012) 80 ияш лÿмгечыжым палемдыме. Тудым шарнен, профессорын савыкталтде кодшо «Марий йылмыште шуэн вашлиялтше мут-влак» лÿман мутержым лукташ пижме. Мутерым савыкташ финанс могырым полшымо амал дене Мер Ка‰ашын вуйверже марий калык деке «Поро кумыл» ÿжмаш дене лектын.

Тыге оксам 55 еҥ пöлеклен: А.С. Абдулов, А.В. Акилбаев, А.Г. Акшиков, Е.М. Андрианова, Л.И. Барцева, Л.Я. Васютина, В.Г. Гаврилова, В.Б. Голубев, Л.Н. Григорьева, Л.Я. Григорьева, С.В. Долгополов, И.С. Иванов, Л.П. Иванова, Е.П. Карташова, Г.А. Козлова, В.А. Кольцов, Н.М. Краснова, Р.А. Кудрявцева, М.Н. Кузнецова, О.Г. Левенштейн, В.Н. Максимов, М.Н. Мамаева, Л.С. Матросова, В.Т. Михайлов, Г.Н. Михайлова, Т.Б. Никитина, А.К. Ошаев, Э.И. Пекшеева, Янош Пустаи (Венгрий), Д.И. Речкин, Н.Г. Русанова, Н.А. Рыбакова, Г.Л. Сабанцев, Е.Н. Садовин, И.Г. Садовин, Л.А. Садовина, А.А. Сергеев, О.А. Сергеев, С.С. Сибатрова, М.В. Соколова, Б.С. Соловьёв, Ю.И. Соловьёв, А.Т. Тимиркаев, Е.Г. Тонкова, В.А. Федосеев, Р.И. Чузаев, П.Ш. Шакиров, Б.А. Шамиев, Г.С. Ширяева, Г.А. Шкалина, А.В. Эманова, Г.А. Эрцикова, Л.П. Ягодарова, Г.А. Яковлева, А.А. Ярыгин. Шке надырыштым И.Г. Ивановын ешыже, Марий Эл Республикын Т.Е. Евсеев лÿмеш калыкле тоштерже пыштеныт.

Чылаштланат пеш кугу таум каласена. Мутерын 400-ше страницыштыже оксам пöлеклыше еҥ-влакын списокышт уло.

Чылаже 35250 теҥгем погымо. Тышеч тÿлымö:
1534 теҥгем – ISBN-лан,
8325 теҥгем – Марий книга савыктышын тÿҥ расходшылан (ош кагазым кучылтмо огыл, принтерыште чиям ик гана вашталтыме),
9000 теҥгем – редакторлан,
7000 теҥгем – верстальщиклан,
9391 теҥгелан 26 экземпляр мутерым лукмо (ик мутерын акше 377 теҥге, сандене Л.С. Иванова 411 теҥге шке оксажым пыштен).

26 экземпляр гыч 10 книгам Иван Григорьевич Ивановын ешыжлан гонорар олмеш пуымо; ик книга гыч Янош Пустаилан (Венгрий), Р.А. Кудрявцевалан, В.Б. Голубевлан, Н.М. Красновалан, М.Н. Кузнецовалан, Л.А. Садовиналан, В.А. Федосеевлан, Г.С. Ширяевалан, Е.М. Андриановалан, С.С. Сибатровалан пöлек семын пуымо. Нуно 500 да 500 теҥге деч утларак оксам мутерым лукмашке пыштеныт.

Ик книгам Марий книга савыктышлан кодымо; профессор И.Г. Ивановын йот элыште илыше йолташ ден коллегыже-влаклан (Эстоний, Финляндий, Германий) 5 экземплярым колтымо.

Автор: Маргарита Кузнецова.