2015 ий 21 февральыште Марий Оньыжа Анатолий Иванов Республик кӱкшытан Ӱярня пайремыште лийын, калыкым саламлен. А пайрем Йошкар-Оласе Патриарший площадьыште эртен.

Тиде кечын районла гыч толшо фольклор коллектив-влак, артист-шамыч кумылым вӱчкеныт. Тӱрлӧ модыш дене модаш, курык мунчалташ, весела сем почеш кушталташ лийын. Мелна аукцион эртен. Икманаш, йокрокланен шогаш жапат, йӧнат лийын огыл.

Пайремым Республикысе марий тӱвыра рӱдер, Патриарший площадьысе ТВ ден Радио эртареныт, тыгак Марий Эл Республикысе тӱвыра, печать да калык-влак паша шотышто министерстве, амалкалче-влак полшеныт.