27 сентябрьыште Киров олаште Виче кундемын марий калык тӱвыра кечыже эртаралтеш. Тиде пайремыш Марий Эл Республик гыч кугу делегаций каяш ямдылалтеш. Тушто Марий Элысе марий тӱвыра рӱдерым вуйлатыше Валерий Григорьев рӱдерын пашаж нерген посна докладым ыштышаш. Тыгак  тудо Киров да Марий кундемласе марий-влак дене вашкылым умбакыже пеҥгыдыме нерген йодышым нӧлталшаш.

Киров кундем Марий калык тӱвыра кечышкыже Россий Кугыжаныш Думын депутатше Лариса Яковлева, Марий Оньыжа Анатолий Иванов,  кидмастар-влак Ираида Степанова да Ольга Майкова, И.С.Палантай лӱмеш тӱвыра да сымыктыш колледжысе ансамбль мийышаш улыт.

Пайрем кышкар: кидпаша да марий литератур выставке, Владимир Васильевич Унженинын 70 ияш лӱмгечыж вашеш выставке, Киров кундем коллектив-влакын концертышт, «Тошто марий тӱр» мастар класс, «Кызытсе жапыштет ӱвырам арален кодымаш» йыргешке ӱстел.

Марий калык тӱвыра кечым усталык коллектив-влакын гала-концертышт да куштымо-модмо программе иктешлышаш.