Марий Эл Республикын икымше президентше Зотин Владислав Максимовичлан 22 майыште 75 ий темын.

Тиде лӱмгече дене Тендам, Владислав Максимович, алал кумылын саламлена, тазалыкым, кужу ӱмырым тыланена.

Зотин Владислав Максимович президентлан 1991 ий 24 декабрь гыч 1997 ий 5 январь марте пашам ыштен. Республикнам вуйлатыме жапыштыже шуко сай вашталтыш лийын: Марий АССР-ым Марий ССР-ыш, а варажым Марий Эл Республикыш савырыме.

Лач Зотин годым марий йылме-влакым (олыкмарий ден курыкмарийым) руш йылме семынак кугыжаныш манын увертарыме. Тӱвыра да туныктымо тӧнеж-влак шке статусыштым кӱшкырак нӧлтальыч, нунылан Марий кундемлан надырым пыштыше марий еҥ-влакын лӱмыштым пуышт.

Тыгодымак Марий самырык театр (кызыт Йоча да самырык-влаклан театр-рӱдер), Курыкмарий театр, самырык-влаклан «Кугарня» газет, «У сем» журнал шочыч.

Владислав Максимовичын кундемнам вуйлатыме жапыште Марий Эл Правительствыште да парламентыште 40 процент наре марий еҥ пашам ыштен.

Зотин Владислав Максимовичын Марий Эл Республикым нӧлтымаште кугу надырым пыштен, калыклан ятыр суапле пашам ыштен, марий йылмым, тӱвырам вияҥдымаште ятыр пунчалым луктын. Нине да моло поро, сай пашада-влаклан Тендам, Владислав Максимович, марий калык пагала да йӧрата.

Марий Мер Каҥаш вуйвер