2015 ий 24 апрельыште Йошкар-Олаште (Мер-политик рүдер) Мер Каҥаш «Марий форум шошо сессийым» эртара. 

Программыште:

09.00 – 13.30 Мер Каҥашын VII кумдаҥдыме Пленумжын погынымашыже.
«Марий йылмым, тӱвырам да йӱлам аралыме пашаште тӱшкаувер йӧн-влакын надырышт (марий йылме дене савыкталтше икымше газетын 100 ияш юбилейжылан)» теме дене кугу мутланымаш. Тӱҥ докладым икымше оналмаш Валерий Александрович Мочаев ышта, тыгак «Марий Эл» газетын тӱҥ редакторже Александр Саликович Абдулов выступатла.

11.00 – 11.15 Канымаш жап
11.15 – 13.00 Тӱҥалме йодышым лончылмаш
13.00 – 14.00 Кечывал кочкыш
14.00 –16.30 «Марий йӱлам вӱдымӧ паша радам» теме дене Мер Каҥаш да марий чолга еҥ-влаклан туныктымо семинар. Вӱдышӧ-влак: Марий Эл Республикын тӱҥ картше Александр Иванович Таныгин ден икымше оналмаш Валерий Александрович Мочаев.

Семинарыште выступатла «Молодежь и духовное наследие народа мари» теме дене Попов Никандр Семенович , историй науко кандидат, В.Васильева лӱмеш МарНИИЯЛИ-н кугурак шанче пашаеҥже.

16.45 – 17.45 Кас кочкыш
18.00 – 20.00 М.Шкетан лӱмеш Марий кугыжаныш драме театрыште «Вучо, мане, пӧртылам» спектакль.

Тиде кечын Денис Речкинын фотосӱрет ончерже пашам ышта. «Марий Эл ТВ» презентаций лиеш.