Тендам Ӱдырамаш-влакын тӱнямбал кечышт – 8 Март – дене алал кумылын саламлем!

Тиде пайрем шошо шӱлыш, чевер кече, левештыше игече да пеледыш аршаш дене пырля толеш. Ӱдырамаш-влак пеледыш гай сылне да тӱрлӧ лийын моштат, нуно куандарат да шӱм-чоным савырат. Лачак ӱдырамаш-влак илышышкына келшымашым да ласкалыкым пуртат.

А 8 Март кечын нуно эше сӧрал улыт. Нунын шыргыжал колтымышт шӱм-чоннам вӱчка, да кужун вучымо шошо толеш. Ты пайрем Тыланда шӱм гыч лекше шомакым ойлаш эше ик йӧным пуа.

Шыма шинчаончалтышланда, тыршен пашам ыштымыланда, суртышто тыныслыкым аралымыланда, усталык да чон поянлыкланда тауштена. Эре тыгаяк лийын кодса.

Тыланем Мер Каҥаш вуйлатышын лӱмжӧ дене Тыланда пеҥгыде тазалыкым, пиалым, поро илышым, моторлыкым да шыргыжмашым, чон дене эреак самырык лийза.