90  ийым темыше чолга марий еҥым:

Пряников Геннадий Дмитриевичым. Шернур район Мустай / Мустаево ялеш 1927 ий 10 сентябрьыште шочын. Йошкар-Оласе 1-ше №-ан музыкально-художественный школын директоржо (1965-1989). МАССР-ын сулло туныктышыжо (1975). Трудовой Йошкар тисте орденым пуэныт.

80 ийым темыше чолга марий еҥым:

Антипин Аркадий Яковлевичым. Кужэҥер район Чодраял ялеш 1937 ий 8 сентябрьыште шочын. Н.К.Крупская лӱмеш Марпединститутын ректоржылан пашам ыштен (1986-2003). Марий Эл Республикысе образованийын сулло пашаеҥже (1998).

75 ийым темыше чолга марий еҥым:

—  Евдокимов Виктор Фёдоровичым. Волжский район Кабаксола ялеш 1942 ий 28 сентябрьыште шочын. 1962 ий годсек Алтай трактор заводышто пашам ыштен. Социалистический Паша Герой (1989). Кок орденан. Алтай кундемысе Рубцовск олаште ила.

70 ийым темыше чолга марий еҥ-влакым:

— Иванов Анатолий Николаевичым. Морко район Изи Корамас / Малые Карамасы ялеш 1947 ий 20 июльышто шочын. 2009 ий годсек Марий Эл Республикысе Кугыжаныш Погын председательын алмаштышыже. Марий Эл Республикысе тӱвыран сулло пашаеҥже (2007). «За заслуги в проведении Всероссийской переписи населения» медаль дене палемденыт (2010). Марий Оньыжа (2012-2016).

— Куклин Анатолий Васильевичым.  Марий Турек район Ошлан / Ашлань-Билямор ялеш 1947 ий 26 сентябрьыште шочын. Инженер, Марий Элын сулло чоҥышыжо.  «Марийскгражданпроект» ОАО-што Базовый территориальный проектный институтышто пӧлкам вуйлатыше. «Ялысе школ» проектшылан Кугыжаныш премий дене палемденыт (2003).  

Шапкин Виталий Владимировичым. Шернур район Тумерсола ялеш 1947 ий 25 сентябрьыште шочын. Йошкар-Оласе музыкальный училищын (кызыт И.Палантай лӱмеш тӱвыра да сымыктыш колледжын) флейте дене преподавательже. Марий Эл Республикын сулло артистше (1981), Россий Федерацийын сулло артистше (1991).

65 ийым темыше чолга марий еҥ-влакым:

Калитов Георгий Гайнияхматовичым. Пошкырт кундем Балтач район Йыванай / Нижнебалтачево ялеш 1952 ий 7 сентябрьыште шочын. БАССР тӱвыран сулло пашаеҥже (1987), Салават Юлаев лӱмеш кугыжаныш премийын лауреатше (1995), Башкортостан Республикын сулло сӱретчыже да  Башкортостан Республикын калык сӱретчыже (2012).

Муравьёва Галина Дмитриевнам. Курыкмарий район Петуксола / Петухово ялеш 1952 ий 17 сентябрьыште шочын. Республикысе калык усталык рӱдерын савыктыш пӧлкажым вуйлатыше (1985). Марий Эл Республикысе кугыжаныш премийын лауреатше (2003), Марий Эл Республикысе тӱвыран сулло пашаеҥже (2004), Россий Федерацийысе тӱвыран сулло пашаеҥже (2013).

 — Самсонова Нина Ивановнам. У Торъял район Ушемнур ялеш 1952 ий 14 сентябрьыште шочын. У Торъялысе йоча сымыктыш школым вуйлатыше (1984-2012). Марий Эл Республикысе тӱвыран сулло пашаеҥже (1995), Россий Федерацийысе тӱвыран сулло пашаеҥже (2011).

Данилов Аркадий Александровичым. Параньга район Олор / Олоры ялеш 1952 ий 28 сентябрьыште шочын. Художник-оформитель. «Ошмарий-чимарий» ушемын исполнительный вуйлатышыже.

55 ийым темыше чолга марий еҥ-влакым:

Апляев Риф Димитриевичым. Пошкырт кундем Балтач район Янтимирово ялеш 1957 ий 17 сентябрьыште шочын. Вооруженный вийын ветеранже. «Акибанкын» юристше. Марий калыкын Х Марий калык погынын делегатше (2016).

Бычков Виталий Аркадьевичым. Курыкмарий район Алдеево ялеш 1957 ий 14 сентябрьыште шочын. Кузнецово школышто тӱҥалтыш класслам туныктышо. Марий калыкын Х Марий калык погынын делегатше (2016).

 

Беляев Иван Дмитриевичым. Советский район Кадам ялеш 1957 ий 25 сентябрьыште шочын. Йошкар-Оласе погынымашын депутатше лийын.

Четкарёв Вениамин Александровичым. Шернур район Кукнур вел Большая Гора ялеш 1957 ий 1 сентябрьыште шочын. Кугу Сердыж школын туныктышыжо (1979-2005). «Отличник народного просвещения» (РФ) знак дене палемденыт.

55 ийым темыше чолга марий еҥ-влакым:

Кузьминых Олег Елизаровичым. У Торъял район Чашкаял / Чашкасола ялеш 1962 ий 10 сентябрьыште шочын. 1986 ий годсек М.Шкетан лӱмеш Марий драмтеатрын артистше. Марий Эл Республикын калык артистше (1999), Россий Федерацийын сулло артистше (2010).

 

— Маланова Маргарита Михайловнам. Медведево район Нолямучаш / Ноля Вершина ялеш 1962 ий 21 сентябрьыште шочын. Марий Эл Республикысе туныктыш да шанче министерствын пашаеҥже. 2007 ий годсек «Эрвий» йоча пионер организацийын председательже.

—  Огурцов Валентин Алексеевичым. Угарман кундем Тоншай район Ошар / Ошары ялеш 1962 ий 26 сентябрьыште шочын. 1990-ше ийлаште «Кувервуй» фольклор ансамбльым, тыгак «Цевер кече» ансамбльым вуйлатен (2009). Сокыр.

50 ийым темыше чолга марий еҥ-влакым:

Мадияров Вадим Алексеевичым. Пошкырт кундем Мишкан район Митряево ялеш 1967 ий 10 сентябрьыште шочын. «Буровая компания «Евразия»  ООО-што ведущий инженер. Внештатный корреспондент. Марий калыкын IХ Марий калык погынышто эскерыше лийын (2012).

 

Павлова Алефтина Якимовнам. Курыкмарий район Мидяшкино ялеш 1962 ий 18 сентябрьыште шочын. Козьмодемьянскысе тӱвыра да историй тоштер комплексын старший научный пашаеҥже. Марий калыкын IХ Марий калык погынышто эскерыше лийын (2012).

 

Марий Мер Каҥашын вуйверже.

Йошкар Аку ямдылен.