85 ийым темыше чолга марий еҥ—влакым:

— Александров Назарий Александровичым. Морко район Кугорнӱмбал Шале/ Большой Кулеял ялеш 1932 ий 7 ноябрьыште шочын. Медицине науко кандидат (1971). Писатель, краевед. Марий Эл Республикысе наукын сулло пашаеҥже (1991).

— Артюшова Екатерина Фёдоровнам. Звенигово район Какшамарий ялеш 20 ноябрьыште шочын. Марий АССР-ысе просвещений министр (1982-1988). Марий АССР Верховный Советын депутатше (1983-1990).

75 ийым темыше чолга марий еҥ—влакым:

— Рыбаков Аркадий Александровичым. У Торъял район Какшанмучаш / Пектубаево селаш 1942 ий 19 ноябрьыште шочын. «Марихолодмаш» ОАО-што пашам ыштен. Кроссворд-влакым ямдылыше.

— Васильев Петр Николаевичым. Волжск район Ярамарий / Ярамор ялеш 1947 ий 19 ноябрьыште шочын. Марий Эл Республикысе Т. Евсеев лӱмеш тоштерын фотографше.

— Османова Нина Григорьевнам. Марий Турек Марий Китня ялеш 1947 ий 16 ноябрьыште шочын. Марий Эл Республикын сулло артисткыже (1996).

— Ганькин Валерий Дмитриевичым. Свердловск областьысе Арти район Ондрий ял / Андрейково ялеш 1947 ий 2 ноябрьыште шочын. Туныктышо, краевед.

65 ийым темыше чолга марий еҥым:

— Кабанова Галина Васильевнам. Морко посёлкышто 1952 ий 24 ноябрьыште шочын. Марий Элысе йоча-инвалид-влакым реабилитироватлыме шотышто ассоциацийын председательже лийын. Амалкалче.

— Петров Валерий Ивановичым. Звенигово район Николаевский ялеш 1952 ий 13 ноябрьыште шочын. «Тэнерго» ООО-н тӱҥ инженерже (1993). Марий Эл Республикын сулло чоҥышыжо (2000).

— Шабыков Анатолий Ивановичым. Шернур район Кукнур вел Потасола / Поташкино ялеш 1952 ий 26 ноябрьыште шочын. Экономике науко кандидат (1994). МарКУ-н доцентше.

60 ийым темыше чолга марий еҥ—влакым:

— Смирнов Михаил Капитоновичым. Курыкмарий район Йынгы Кушыргы / Юнга Кушерга ялеш 1957 ий 2 ноябрьыште шочын. 1990-ше ийла годсек фермер. «Горномари-кредит» кооперативын председательже.

— Гаврилова Светлана Васильевнам. Звенигово район Пӱнчылӱвал / Сосновка ялеш 1957 ий 27 ноябрьыште шочын. Звенигово районысо тӱвыра пӧртым вуйлатен (2011). Районысо «Марий ушем» пӧлкам ятыр ий вуйлатен. Тӱрлызӧ. Марий калыкын 8-ше погынжын делегатше (2008), 9-ше погынышто – эскерыше (2012).

— Кудрявцев Владимир Геннадьевичым. Медведево район Ошӱргӧ/ Ошурга ялеш 1957 ий 28 ноябрьыште шочын. Искусствоведений доктор (2005). Марий Эл Республикысе сымыктышын сулло деятельже (2006), Россий Федерацийысе тӱвыран сулло пашаеҥже (2013).

— Макарова Галина Дмитриевнам. Оршанке район Чирки ялеш 1957 ий 30 ноябрьыште шочын. Марий радион редакторжылан пашам ыштен (1987-2013). Марий Эл Республикысе культурын сулло пашаеҥже. Радоишто стройко да промышленность дене кылдалтше, «Жап да ме» увер да аналитике передачым, ӱдырамаш-влаклан «Тылат» радиожурналым, увер аршашым ямдылен.

— Яковлева Светлана Леонидовнам. Пермь крайысе Ныроб район Вижанка селаште 1957 ий 28 ноябрьыште шочын. МарГУ-со йот йылме дене кутырымо шотышто кафедрым вуйлатыше. Университетын эн сай доцентше (2010). Педагогика науко кандидат. Россий Федерацийысе кӱшыл профессионал образованийын почётан пашаеҥже, англичан йылме шотышто иктешлыше кугыжаныш аттестацийым эртарые шотышто вӱдышӧ эксперт (2015).

— Делянов Анатолий Харитоновичым. Параньга посёлкышто 1957 ий 15 ноябрьыште шочын. «Дружба» кооперативын председательже (1993-1994), варажым Тукай лӱмеш колхозым вуйлатен, амалкалче. Республикын Кугыжаныш Погынын депутатше (1996-2004). Марий Эл Республикысе ялозанлыкын сулло пашаеҥже (1997).

55 ийым темыше чолга марий еҥ—влакым:

— Глушкова Зоя Михайловнам. Шернур район Марисола кундем Купсола ялыште 1962 ий 3 ноябрьыште шочын. Поэтессе семын – Зоя Дудина. Марий Эл Республикысе тӱвыран сулло пашаеҥже (2000), Кастрен Обществын премийжын лауреатше (2000), «Марий Элын идалыкысе книгаже» конкурсын лауреатше (2006), Марий Эл Республикысе Чавайн лӱмеш Кугыжаныш премийын лауреатше (2013), Лесков лӱмеш премийын лауреатше (2015). Икмыняр книган авторжо.

— Зонов Юрий Александровичым. Йошкар-Олаште 1962 ий 20 ноябрьыште шочын. «Парус плюс» ЗАО-н исполнительный, генеральный директоржо (1996 ий гыч). Российысе «Зелёные» экологий партийын Марий Элысе председательже (2007 ий гыч).

— Семёнова Лидия Васильевнам. Морко район Шеҥше / Шиньша селаште 1962 ий 27 ноябрьыште шочын. 1997 ий годсек «Ямде лий» газетын тӱҥ редакторжо. Марий Эл Республикын сулло журналистше (2007). Литератор, икмыняр книган авторжо.

— Иликбаев Игорь Николаевичым. Пошкырт кундем Калтаса район Тӧлдӧ / Тюльди ялеш 1962 ий 6 ноябрьыште шочын. Менеджер. 2013 ий годсек Екатеринбург оласе марий-влакын «Урал кундем» мер организацийыштым вуйлата. Мер Каҥашын еҥже (2016).

— Конаков Анатолий Филипповичым. Шернур район Кукнур вел Алмамат / Алмаматово ялеш 1962 ий 27 ноябрьыште шочын. Кукнур тӱвыра пӧртым вуйлатыше (1996), тудын пелен «Пеледыш» ансамбльым чумырен.

— Пауткин Владимир Дмитриевичым. У Торъял районысо Шӱкшан / Шукшан ялеш 1962 ий 30 ноябрьыште шочын. Санкт-Петербургышто ила, «Балткрон» ООО-што прораблан пашам ышта. Марий калыкын 8-ше погынжын делегатше (2008), 9-ше погынышто – эскерыше (2012).