75  ийым темыше чолга марий еҥым:

— Морозов Николай Алексеевичым. Параньга район Кугу Пумарий / Елеево ялеш 1932 ий 19 июльышто шочын. «Елеевский» совхозын механизаторжо (1962-2002). Кум орденан. Сайын пашам ыштымыжлан тракторым пӧлекленыт (1992).

 

70 ийым темыше чолга марий еҥ-влакым:

— Васильева Нина Порфирьевнам. Звенигово район Какшамарий / Кокшамары ялеш 1947 ий 31 июльышто шочын. Звенигово районысо Ветеран-влак советын председательже. Марий калык VIII да IX погынжо-влакын депутатше. Марий Элын да Российын почётан ветеранже. С.Г.Чавайн лӱмеш «Калык верч» медаль дене наградитленыт.

— Айдимирова Августа Николаевнам. Морко район Шеҥше ялеш 1947 ий 5 июльышто шочын. 1992 ий годсек Йошкар-Оласе 4-ше №-ан поликлиникыште стоматологлан пашам ышта. 2007 ийыште «Профессия – жизнь» тӱнямбал премийым пуэныт.

— Трохимец Светлана Романовнам. Курыкмарий район Климансола / Климкино ялеш 1947 ий 28 июльышто шочын. Медведево районысо эмлымверын тӱҥ врачше. 1996-2000 ийлаште Марий Эл Республикысе Кугыжаныш Погынын депутатше лийын.

— Бердинский Николай Павловичым. Шернур район Тумерсола ялеш 1947 ий 17 июльышто шочын.

1990-1991 ийлаште Шернур райком компартийын икымше секретарьже лийын. 1995 ий годсек Шернур райпом вуйлата. Марий Эл Кугыжаныш погынын депутатше (2004).

 

65 ийым темыше чолга марий еҥым:

—  Алексеев Иван Ивановичым. Волжский район Йывансола / Малое Иваново ялеш 1952 ий 10 июльышто шочын. «Кугарня» газетын тӱҥ редакторжылан (1994-1997), «Марий Эл» газетын тӱҥ редакторжын алмаштышыжлан пашам ыштен. Печатьын ветеранже, Марий Эл Республикын сулло журналистше, Россий Федераций культурын сулло пашаеҥже.

 

60 ийым темыше чолга марий еҥ-влакым:

— Зубков Геннадий Григорьевичым. Курыкмарий район Дубовский посёлкеш 1957 ий 20 июльышто шочын. КПРФ-ын Марий Эл Республикысе пӧлкажын икымше секретарьже пашам шуктышо (2009). Марий Эл Республик деч Кугыжаныш Думыш депутатын полышкалышыже. Марий Эл Республикысе Кугыжаныш погынын депутатше (2009).

— Фадеева Людмила Леонидовнам. Марий Турек район Ошламучаш / Ашлань-Вершина ялеш 1957 ий 21 июльышто шочын. Кужэҥер районысо администрацийым вуйлатышын алмаштышыже, администраций аппаратым вуйлатыше. Марий Эл Республикын муниципальный службын сулло пашаеҥже. Марий калыкын Х Марий калык погынын делегатше (2016).

 

55 ийым темыше чолга марий еҥ-влакым:

— Салимзянова Людмила Петровнам. Пошкырт кундем Балтач район Мишкан / Мишкино ялеш 1962 ий 20 июльышто шочын. Тазалыкым пеҥгыдемдыше «Прасковья» рӱдерым вуйлатыше. Марий калыкын Х Марий калык погынын делегатше (2016).

— Мурсатов Константин Васильевичым. Йошкар-Олаште 1962 ий 20 июльышто шочын. Сӱретче.

— Зенкин Александр Анатольевичым. Звенигово район Первая Лесная ялеш 1962 ий 11 июльышто шочын. «Российысе философский газетын» тӱҥ редакторжын алмаштышыже. Икмыняр книган авторжо.

 

50 ийым темыше чолга марий еҥ-влакым:

— Васин Владимир Степановичым. Шернур район Шоркэҥер / Шоркенер ялеш 1967 ий 13 июльышто шочын. ФСБ-н подполковникше.

— Игнатьев Юрий Владимировичым. Киров область Вӱрзым район Байса ялеш 1967 ий 2 июльышто шочын. Байса школын директоржо. Марий калыкын IX ден Х погын-влакын депутатше (2016).

— Краснощёкова Фаина Серафимовнам. Киров область Санчурск район 1967 ий 16 июльышто Марийская Лиса ялеш шочын. Санчурск районышто марий тӱвыра рӱдерым вуйлатыше. Районысо погынын депутатше лийын.Городищенский клубный системым вуйлата. Мурызо.

— Ушков Вернер Михайловичым. Удмурт Республикысе Карагӧл район Пыргында ялеш 1967 ий 24 июльышто шочын. «Быргындинское» озанлыкым вуйлатыше. Удмуртийысе марий калыкын «Одо марий ушем» организацийын сопредсательже (2010). Марий калыкын Х погынжын делегатше.

Марий Мер Каҥашын вуйверже.

Йошкар Аку ямдылен.