85 ийым темыше чолга марий еҥ-влакым:

— Шамыкаев Шамрат Шамыкаевичым. Пошкырт кундем Калтаса район Качмаш ялыште 1932 ий 10 октябрьыште шочын. Марий онаеҥ. Марий калыкын VII погыныштыжо (2004 ий) – делегат, Марий калыкын IV погыныштыжо (2012) эскерыше лийын.

80 ийым темыше чолга марий еҥ—влакым:

— Богданов Фёдор Лукьяновичым. Морко район Сапуньжо / Сапуньжа ялеш 1937 ий 24 октябрьыште шочын. «Куженерский» чыве совхозын тӱҥ агрономжо. Россий Федерацийын сулло агрономжо (2001).

75 ийым темыше чолга марий еҥ—влакым:

— Алёхин Варсанофий Арсеньевичым. Курыкмарий район Ольокансир / Алёхино ялеш 1942 ий 10 октябрьыште шочын. Курыкмарий район администрацийым вуйлатен (1995-2000). Марий Элысе Кугыжаныш Погынын депутатше (1996-2004).

— Дунаев Евгений Петровичым. Волжский район Пызырьгуп / Бизюргуб ялеш 1942 ий 24 октябрьыште шочын. Марий Элысе Кугыжаныш Погынын депутатше (1993-1994). Волжск ола администрацийым вуйлатен (1994-1996). Марий Эл Республикын калыклан паша верым ситарыме да паша министрже (1996-1997).

— Тымбаев Геннадий Владимировичым. Кужэҥер посёлкышто 1942 ий 25 октябрьыште шочын. Морко райкомын икымше секретарьже (1988-1990). Марий Эл Республикын калыклан паша верым ситарыме да паша министржын алмаштышыже (1992-1994).

65 ийым темыше чолга марий еҥым:

— Кубекова Елизавета Мироновнам. Курыкмарий район Аксайсола / Аксаево селаште 1952 ий 19 октябрьыште шочын. Мосолов лӱмеш племзавод-колхозын тӱҥ зооинженерже. Марий Эл Республикысе кугыжаныш премийын лауреатше (2005). Марий Эл Республикысе ялозанлыкын сулло пашаеҥже (2009).

— Изибаев—Бирь Алексей Русаевичым. Пошкырт кундем Мишкан район Кемей / Камеево 1952 ий 26 октябрьыште шочын. Москонцертын солистше лийын (2004). Олык Ипай лӱмеш премийын лауреатше (1990). Марий Эл Республикын сулло артистше (1998).

— Кульшетов Валерий Дмитриевичым. Марий Турек посёлкышто 1952 ий 17 октябрьыште шочын. Композитор, И. Палантай лӱмеш тӱвыра да сымыктыш колледжыште «Эстраде» пӧлкам вуйлата. Олык Ипай лӱмеш кугыжаныш премийын лауреатше (1990), Марий Эл Республикысе да Российысе искусствын сулло пашаеҥже (1995, 2004).

— Ялтаев Николай Ивановичым. Шернур район Кукнур кундем Ананур ялеш 1952 ий 29 октябрьыште шочын. «Кукнурский» колхозым вуйлатен (1999-2002).

60 ийым темыше чолга марий еҥ—влакым:

— Кошкина Людмила Ивановнам. Кемерово область Междуреченск олаште 1957 ий 7 октябрьыште шочын. Марий тӱвыра рӱдерын пӧлкажым вуйлата. Российысе Калык просвещенийын отличникше. Мер Каҥашын еҥже.

— Новосёлов Александр Ивановичым. Оршанке район Лужбеляк ялеш 1957 ий 17 октябрьыште шочын. Экономика наука кандидат (1998). Промышленность, транспорт да корно озанлык министрын алмаштышыже лийын (2015).

— Пайдышев Евгений Викторовичым. Шернур посёлкышто 1957 ий 12 октябрьыште шочын. Шернур районысо Администрацийым вуйлатен (1996-2000), Марий Эл Республикысе Кугыжаныш Погын председательын икымше алмаштышыже (2000-2008). Счётный палатын аудиторжо (2008 гыч).

— Семёнов Петр Николаевичым. Юлсер (Волжск) район Куршембал ялеш 1957 ий 10 октябрьыште шочын. Йошкар-Оласе мланде ресурс шотышто комитетым вуйлатен (1991-2004). Ялозанлык науко кандидат. Марий Эл Республикысе ялозанлыкын сулло пашаеҥже.Йошкар-Ола администрацийысе Семёновкысо территориальный управленийым вуйлата.

— Михеева Любовь Леонидовнам. Морко район Тат-Чодыраял ялеш 1957 ий 10 октябрьыште шочын. Кугу Пумарий кыдалаш школын директоржо (1995). Марий Эл Республикысе образованийын сулло пашаеҥже (2004). 2004 ий годсек Параньга муниципальный районым вуйлатыше, депутат погынын председательже. Мер Каҥашын еҥже.

55 ийым темыше чолга марий еҥ—влакым:

— Гужавина Нина Петровнам. Киров кундем Кильмезь район Азиково 1962 ий 23 октябрьыште шочын. Кильмезь районысо рӱдӧ книгагудын библиотекарьже (1998). Марий калыкын IX погынжын делегатше (2012).

— Айварова Нина Геннадьевнам. Оршанке район Тошто Крешын / Cтарое Крещено ялеш 1962 ий 18 октябрьыште шочын. Психологий науко кандидат. Югор кугыжаныш университетын доцентше.

50 ийым темыше чолга марий еҥ—влакым:

— Сидоркина Лариса Анатольевнам. Морко район Шордӱр / Шордур ялеш 1967 ий 9 октябрьыште шочын. Мурызо. Марий Эл Республикысе кугыжаныш премийын лауреатше (2015).

— Смоленцева Эльвира Михайловнам. У Торъял посёлкышто 1967 ий 17 октябрьыште шочын. Дзюдо дене спорт мастер. СССР-ын кубокшым сеҥен налын (1986), Российын чемпионкыжо (1986, 1987).

— Горинова Надежда Ивановнам. Кужэҥер район Салтакъял ялеш 1967 ий 1 октябрьыште шочын. Кужэҥер район Коҥганур школ директорын алмаштышыже (2003). Россий Федерацийын тӱшка образованийын почётан пашаеҥже (2004).

— Пьянкова Ирина Ивановнам. У Торъял район Семисола / Семеево ялеш 1967 ий 24 октябрьыште шочын. Совет районысо администраций вуйлатышын алмаштышыже. Марий калыкын IX, Х погын-влакын делегатше (2012, 2016). Мер Каҥашын еҥже.

Марий Мер Каҥашын вуйверже.