85 ийым темыше чолга марий еҥым:

Казанцева Лариса Павловнам. 1933 ий 11 февральыште Курыкмарий район Корцакал / Корчаково ялеш шочын. Виловат кыдалаш школышто завучлан пашам ыштен. Марий Элын (1979) да Россий Федерацийын (1984) сулло туныктышыжо.

70 ийым темыше чолга марий еҥым:

Бакетов Валерий Борисовичым. Свердловск кундем Арти район Изи Тавра ялыште 1948 ий 19 февральыште шочын. Туныктышо, краевед. Марий калыкын III, VIII да IХ погынлажын делегатше.

65 ийым темыше чолга марий еҥым:

Герасимов Геннадий Григорьевичым. Татарстан Республик Зеленодольск олаште 1953 ий 3 февральыште шочын. 1998-2001 ийлаште Волжск районысо, а варажым Звенигово районысо туныктыш пӧлкам вуйлатен. Марий Элысе образованийын сулло пашаеҥже (1999).

60 ийым темыше чолга марий еҥ-влакым:

Зарецких Анатолий Алексеевичым. Киров областьысе Кильмезь район Почиҥга / Таутово ялеш 1953 ий 1 февральыште шочын. 1980-2001 ийлаште «Марий Эл» кугыжаныш ансамбльын артистше. Тыгак «Эреҥер» ансамбльыште куштен-мурен. Кызыт марий эстрадыште мурышо солист семын палыме. Марий Эл Республикын сулло артистше (1998).

Крайнов Григорий Никандровичым. Курыкмарий район Пӧртнур/ Пертнуры ялеш 1953 ий 16 февральыште шочын. Историй науко доктор (1993). Пошкырт кундем Бирск (Пӱрӧ) олаште ила. Бирскысе кугыжаныш социально-педагогический академийыште отечественный историй кафедрым вуйлата. Марий Эл Республикысе наукын сулло пашаеҥже (2007).

Богданов Олег Семёновичым. Килемар район Йӱксар / Юксары ялеш 1953 ий 28 февральыште шочын. Йӱксар ял шотан илемым вуйлатыше. Марий калыкын IХ, Х погынлажын делегатше.

50 ийым темыше чолга марий еҥ-влакым:

Апайкин Герман Васильевичым. Морко район Шӱргыял /  Янситово ялеш 1958 ий 22 февральыште шочын. 1994-2003 ийлаште Москосо «Геликон—Опера» театрыште пашам ышта. 2004-2008 ийлаште — «Новая опера» театрын мурышо солистше.  2008-2012 ийлаште Россий Армийын А. В. Александров лӱмеш мурышо да куштышо академический ансамбльжын солистше лийын.. Марий Эл Республикын сулло артистше (1999), С. П. Дягилев лӱмеш орденын кавалерже (2007). 

Краснова Эльвира Васильевнам. Звенигово район Николаевский выселкыште  1958 ий 26 февральыште шочын. «Марий памаш» ансамбльын солисткыже. Марий эстрадын мурызыжо.

Мер Каҥашын вуйверже.