2017 ий, ӱярня/март,
25 кече, 10 шагат
Марий Эл, Килемар район, Арде села,
Арде профессионал техникум

Вуйверын еҥже-влак:
Александров Э.В., Мочаев В.А., Гайсин А.Я., Эштуков И.В., Алатайкина Н.И., Матвеев М.И., Титов А.А. (Кворум уло).

Ӱжмӧ еҥ-влак: Кудрявцев А.Г. (Киров кундем, Кикнур), Ибулаев А.В., Алтынбаев В.А. (Пошкырт, Мишкан), Алтаева И.В. (Угарман, Шаранга), Дворцова А.И., Скворцов В.В. (Килемар район), Григорьев М.Г. (Кужэҥер), Иванов В.И., Терентьева Э.А. (Йошкар-Ола).

Пунчал-влак:

Марий форум: шошо сессий да Пленумым ямдылыме да эртарен колтымо нерген
Марий форум, шошо сессийым вӱдшор/апрель тылзын 7-8 кечылаште Свердловск областьысе Красноуфимск районышто эртараш.
Кайыше делегаций составын пытартыш вариантшым пенгыдемдаш.
Пунчалым илышыш пуртышаш пашам В.А. Мочаевлан ӱшанаш.

Йырым-йырысе пӱртӱсым аралыме паша (Экологий) идалыклан келыштарыме мероприятий-влакыш ушнымо шотышто
Ял илыш комиссийын витньыкшым шотыш налаш.
Марий-влакын чыла тӱшкан илыме верлаштыже йырым-йырысе пӱртӱсым аралыме паша (Экологий идалыклан) пӧлеклалтше «Шерге улат шочмо кундемем» акций-влакым тарваташ да шуктен шогаш (ото, пӱя, памаш, урем, предприятий пелен улшо территорий-влакым шӱк деч эрыктымашым).
Пунчалым илышыш пурташ вуйын шогышо еҥлан А.Я. Гайсиным палемдаш.

Марий самырыктукымын IX слётшым эртарыме нерген
Самырык тукым дене паша комиссийын ой-каҥашыжым шотыш налаш.
Россий кӱкшытан IX Марий самырыктукымын слётшым сӱрем/июль тылзын
4-10 кечылаште Килемар районысо Арде профессионал техникумышто эртараш.
Слётым ямдылен да эртарен колташ пашаче комиссийын составшым пенгыдемдаш:
1). Мочаев В.А., 2). Эштуков И.Г., 3). Садовин И.Г., 4). Куклина Э.В., 5). Маланова М.М., 6). Мустаева В.О., 7). Васильева А.В., 8). Александрова Э.Э.
Пунчалым илышыш пурташ вуйын шогышо еҥ-влаклан В.А. Мочаев ден
И.В. Эштуковым палемдаш.

«Талешкым шараналтен…» Марий талешке кечылан келыштарыме декаде шотышто
Н.В. Пушкинан темлымыжым шотыш налаш.
«Талешкым шараналтен…» Марий талешке кечылан келыштарыме декадын программыжым сайлан шотлаш да тудым илышыш пуртымо пашашке ушнаш.
Мер Каҥашын еҥже да уло марий мер активист-влаклан темлаш:
— Кугу Ачамланде сарын геройжо-влакын чапкӱштым, шарнымаш оҥаштым, шӱгарыштым вораҥдарыме пашашке ушнаш;
— уло марий тӱня мучко Талешке кечым пайремлымашым шарнымаш сорта чӱктымӧ да пеледыш пыштыме паша дене вӱдшор 26 кечын 7 шагатлан тӱҥалаш (верысе жап дене).

Йошкар-Олаште талешке-влакын чапкӱштым да шарнымаш оҥаштым Мер Каҥашын да марий активын еҥже-влаклан тыге пеҥгыдемдаш:
Кугу Ачамланде сарын геройжо-влакын – кӧ кертеш чылалан;
С.Г. Чавайнын – А.А. Иванов ден В.А. Кольцов да Морко кундем землячествын еҥже-влаклан;
Я.П. Майоров-Шкетанын – М.И. Матвеев да драме театрын пашаеҥже-влаклан;
Йыван Кырлан – В.А. Мочаев да Шернур кундем землячествын еҥже-влаклан;
А.С. Крупняков – С.Д. Архипова да Писатель ушемын еҥже-влаклан;
И.С. Палантайын — А.М. Кленов да Марий тӱвыра колледжын пашаеҥже-влаклан,
В.Д. Бурлаковын – М.И. Матвеев да драме театрын пашаеҥже-влаклан;
В.М. Васильевын – Е.П. Кузьмин да МарНИЯЛИ-н пашаеҥ-влаклан;
Т.Е. Евсеев – Л.Н. Смирнова да музей пашаеҥже-влаклан;
С.Н. Николаевын – А.А. Иванов ден В.А. Кольцов да Морко кундем землячествын еҥже-влаклан;
Н.Ф. Рыбаковын – Э.В. Александров да Юлсер кундем землячествын еҥже-влаклан;
Палыме поэт-влакын – С.Д. Архипова да Писатель ушемын еҥже-влаклан;
Палыме журналист-влакын – А.С. Абдулов да «Марий Эл» газетын пашаеҥже-влаклан.
Землячестве-влак деке студент-шамычым ушаш.

Мамич-Бердейын шарныме кӱ деке вӱдшор тылзын 26 кечынже каяш.

Верлаште ты пашам мервуй-влаклан ямдылаш да вӱдшор тылзын 26 кече марте эртарен колташ, фотоотчётым Мер Каҥашыш колташ.
Н.В. Пушкиналан фейсбук, «Вконтакте» соцсетьлашке уверым колташ.
Мероприятий-влакыш фотокорреспондент-влакым ӱжаш.
Пунчалым илышыш пуртымо пашам шке контрольышкем налам.

Марий Мер Каҥашын 2-шо кварталлан паша кышкарыштым пеҥгыдемдымаш
Кокымшо кварталлан паша кышкарым пеҥгыдемдаш.
Пунчалым илышыш пуртен шогымо пашам эскераш В.А. Мочаевлан ӱшанаш.

Оньыжа Александров Э.В.