14 январьыште Марий Оньыжа Анатолий Иванов журналист, печать пашаеҥ-влакым профессионал пайремышт дене саламлен. Тудо ты пайремлан пӧлеклалтше мероприятийыште (Йоча ден самырыктукымын республикысе театр-рӱдерыште) лийын.

Анатолий Николаевич журналист-влакым мастарлыкыштлан, тӱрлӧ уверым ужын, шижын да калык деке жапыштыже намиен шуктымыштлан тауштен да пеҥгыде тазалыкым, пиалым, у лектышым, сеҥымашым тыланен.

Тыгак Оньыжа палемден: журналист-влак Мер Каҥашын пашажымат чын ончыктен моштат. Тидлан кӧра нунылан кугу таум каласен.

Анатолий Иванов Марий книга савыктышым вуйлатыше Лидия Ильиналан Марий Эл Республикысе Кугыжаныш Погынын Тауштымашыжым кучыктен. Вет Лидия Дмитриевнан тиде кечын лӱмгечыже лийын.