Всемарийский совет15 вӱдшорын Мер политик рӱдерыште Марий Элысе Рӱдӧ Юмыйӱла ушемын Марий Юмыйӱлам аралыме да вияҥдыме шотышто республикысе конференций эртен.
Тушко районла гыч онаеҥ-влак толыныт. Тыгак конференцийыште Марий Эл Правительство вуйлатышын икымше алмаштышыже М. З. Васютинын аппаратшым вуйлатыше Э. В. Чемышев, туныктыш да шанче министр Л. А. Ревуцкая, тӱвыра, печать да калык-влакын пашашт шотышто министрын алмаштышыже И. Г. Садовин лийыныт.
Конференций жапыште Марий Элын туныктыш да шанче министерстве да Марий Элысе Рӱдӧ Юмыйӱла ушем коклаште ойпидышым пеҥгыдемденыт. Ойпидыш йымаке министр Л. А. Ревуцкая да Юмыйӱла ушем вуйлатыше А. В. Бирюков кидпалым пыштеныт.
Конференцийыште икмыняр докладым колыштмо. Нунын коклаште Марий Юмыйӱла нерген газетлаште, интернетыште да моло тӱшка увер йӧныштӧ могай материал-влак савыкталтыт. Юмыйӱла пашам виктарымаште проектым чоҥымаш да нуным илышыш шыҥдарыме нерген. Тыгак шке тукыметым палыме шотышто доклад йоҥген.
Конференций жапыште марий онаеҥ-влак Тӱня кумалтышым пеҥгыдемденыт (Советский район Чокмото отышто лиеш) да вес ийлан кечышот нерген мутланеныт.
Тыгак онаеҥ-влак Т. Евсеев лӱмеш тоштерын Археологий да эртык тоштерыштыже «Этноархеология: IMNISCARIS до мари» ончерыште лийыныт.
Обсуждение закрыто.