Мер Каҥаш вуйверын погынымашыже 2015 ий 17 декабрьыште эртыш. Тушто икмыняр йодышым каҥашышт.

Оньыжа Анатолий Иванов 2015 ийыште ыштыме паша нерген ойлыш. Идалык мучко ятыр сомылым ворандарыме. Ончычсо семынак кок сессийым , пленумым эртарыме. Россий мучко илыше самырык-влакым VII слётыш чумырымо.

Погынымаш годым 2016 ийлан (X Погын марте) паша кышкарым пеҥгыдемдышт. Да, ыштышаш сомылат ятыр. Теве марий калыкын Погынжо лишемеш. Тудлан ямдылалташ тӱҥалме. Лишыл жапыште Шорыкйол пайремым эртараш кӱлеш. Тушкат ушныман.

Автор: Эльвира Куклина.