2015 ий 2 ноябрьыште Йошкар-Олаште Мер Каҥаш вуйверын погынымашыже эртыш.

Погынымаште марий калыкын X погынжылан ямдылалтме нерген ойлышт. Погыным 2016 ий 14-16 апрельыште эртараш темлыме. Тиде йодышым тений 6 ноябрьыште Мер Каҥашын форумыштыжо каҥашышаш улыт. А делегат-влакым сайлыме шотышто кампаний 2015 ий ноябрь ден 2016 ий февральыште эртышаш.

Мер Каҥашын VIII пленумыштыжо (6 ноябрьыштак) X Погыным погымо да эртарыме нерген радамын проектшым ончаш палемдыме.

Погынымаш годым тыгак Марий Эл Республикын шочмо кечыжым палемдыме нерген каласышт.

Марий газет ден журналлан подпискым ышташ полшаш пеҥгыдемдышт.

РФ финн-угор калык-влакын ассоциаций советын пашаж нерген увертарымашат лие.