18 ноябрьыште Марий самырык театрыште (Йошкар-Ола) Пошкырт кундемысе Мишкан калык театр шке мастарлыкше дене куандарен. Артист-влак «Изуремыште кугу сӱан» комедийым ончыктеныт.

Нуным Марий Оньыжа, Марий Элысе Кугыжанывш Погын вуйлатышын алмаштышыже Анатолий Иванов саламлен, коллективлан Кугыжаныш Погынын тауштымашыжым да Марий Эл нерген шарныктарыше пӧлек-влакым кучыктен. Тудо усталык шӱлышан да талантан еҥ-влаклан у деч у сеҥымашым, волгыдо кумылым, тазалыкым тыланен.

Мишкан калык театр 19 ноябрьыште Морко посёлкышто «Изуремыште кугу сӱан» спектакльымак ончыктат.