Пагалыме марий калык! Тиде волгыдо пайрем кечын чыландамат Марий автономийлан 95 ий темме дене салмалем! 1920 ий 4 ноябрьыште Марий Калыкын Автономный Областьшым ыштыме нерген Москваште Декретым подписатлыме. Марий автономийым ыштымаш калыкнан илышыжым, вияҥме корныжым палынак сай могырышко вашталтен. Декрет марий-влакым пычкемыш гыч волгыдо илышыш луктын. Тунамак шкенан Марий Элнам ыштыме, калыкнан кöргö вийжым пеҥгыдемдыме шотышто …
10 октябрьыште Мер Каҥашын еҥже, Параньга районысо Погынын председательже, «Марий калык конгрессын» районысо пӧлкажым вуйлатыше Любовь Леонидовна Михееева шочмо кечыжым палемда. Чолга ÿдырамаш 1957 ий 10 октябрьыште Марий Эл Республикысе Морко район Тат-Чодраялыште шочын-кушкын. Любовь Леонидовна, тумо гай пеҥгыде тазалыкым, волгыдо пиалым, у деч у сеҥымашым, еш ласкалыкым тыланена. Умбакыжат марий калыкна верч тыршаш вий-куатда, кумылда …
2015 ий 30 сентябрьыште Мер Каҥаш вуйверын погынымашыже эртыш. Ятыр йодышым каҥашышт. Ты гана погынымашке Татарстан кундем гыч мер пашаеҥ-влак ушнышт: Мер Каҥаш еҥ, Татарстанысе марий-влакын калыкле-тÿвыра автономийыштым вуйлатыше Олег Третьяков ден ты автономийын еҥже Владимир Максютов. Пашаче вашлиймаште эн ончычак Марий форумым, шыже сессийым да Пленумын погынымашыжым ямдылыме да эртарыме йодышым нöлтылме. Тыге Форум …
2015 ий 23-26 сентябрьыште Пермьыште эртыше “Национальный единстве” форумыш элнан 70 регионжо гыч 800 наре еҥ — республикысе кучемын еҥже, тӱвыра учреждений-влакын вуйлатышышт ден пашаеҥышт, мер толкынын лидерже, учёный ден журналист-влак ушненыт. Марий Эл Республик гычат индеш еҥан делегаций миен. Ты делегацийым Мер Каҥаш вуйверын еҥже, Марий Элысе виктерым вуйлатышын алмаштышыже, тӱвыра, печать да калык-влакын …
2015 ий идым тылзын 16 кечынже марий калыкын лӱмлö эргыже, Российын сулло сӱретчыже Иван Ямбердов (Ямбердэ) 60 ияш лӱмгечыжым палемдыш. Тудым Марий Оньыжа, Республикысе Кугыжаныш Погын вуйлатышын алмаштышыже Анатолий Иванов саламлыш.
12 сентябрьыште Марий Эл Республикысе Советский район Ӱшнур кыдалаш школын директоржо, Марий Эл Республикысе образованийын сулло пашаеҥже  Валерий Фёдорович Галкинын шочмо кечыже.  Тудо Советский район Изи Ашламаш ялыште шочын-кушкын, Марий кугыжаныш университетыште тунемын. Валерий Фёдоровичым пайрем дене Марий Оньыжа Анатолий Иванов да Мер Каҥаш еҥ-влак шокшын саламлат да чыла сайым, паша лектышым, тазалыкым тыланат.
Наверх