2015 ий 3 апрельыште Йошкар-Олаште «Марий юмыйӱлан тӱҥалтыш да ончыклык корныжо» семинар эртыш. Тушко Марий кундемнан тӱрлӧ районжо гыч 50 наре онаеҥ, тиде йодыш дене верлаште пашам виктарыше-влак чумыргышт. Семинарыш толшо-влакым Марий Оньыжа, Марий Эл Кугыжаныш Погын вуйлатышын алмаштышыже Анатолий Иванов, Марий Элысе тӱвыра, печать да калык-влакын пашашт шотышто министерствын пӧлкажым вуйлатыше Игорь Садовин саламлышт. …

2015 ий 1 апрельыште Йошкар-Олаште 22-шо гана «Воштылаш, товатат, сулык огыл» конкурс эртыш. Сеҥыше да чыла участникымат Марий Оньыжа, Марий Эл Кугыжаныш Погын вуйлатышын алмаштышыже Анатолий Иванов саламлыш. Тений «Воштылат, товатат, сулык огыл» конкурслан куд касым пӧлеклыме. Ончыч тудо Звенигово район Кужмара селыште? Оршаҥге район Тошто Крешыныште, Советский, Шернур, Морко посёлкылаште лийын. Тыгак Пошкырт кундемыште …

2015 ий 1 апрельыште курыкмарий писатель Никон Игнатьевын шочмыжлан 120 ий теме. Тиде кечын Мер Каҥаш вуйвер исполкомын еҥже-влак (Виктор Иванов, Александр Петров, Эльвира Куклина) Марий Элысе туныктымаш да шанче министерствыште тӱшка да школ деч ончычсо туныктымаш пӧлкам вуйлатыше Ольга Майкова дене пырля Курыкмарий кундемыш миен коштна. Тӱҥ шонымашна: школышто марий йылмым кузе тунеммым ончалаш …

2015 ий 24  мартыште  Киров кундем Кикнур район Шапта селасе школ пелен «Марий калык йӱлам аралыше-влак» теме дене Кикнур районын кечыже эртен. Тушко Марий Эл гыч уна-влак миен коштыныт. Тиде — Республикысе марий тӱвыра рӱдерым вуйлатыше Валерий Григорьев, Мер Каҥаш вуйвер исполком вуйлатыше Виктор Иванов, рӱдер пеленсе «У муро» вокал студийым да «Эркече» группым вуйлатше …

2015 ий 23 мартыште Мер Каҥаш вуйверын черетан погынымашыже эртыш. Марий Эл Республикысе тӱвыра, печать да калык-влакын пашашт шотышто министр Михаил Васютин Салехардыш Финн-угор калык-влакын ассоциацийыштын вуйвер погынымашке миен коштмыж нерген каласкалыш.

19 мартыште С.Г. Чавайн лӱмеш книгагудын конференц-залыштыже (Йошкар-Ола) поэт, писатель, журналист, «Ямде лий» газетын пашаеҥже Валентин Борисович Исенековын 80 ияш лӱмгечыжлан пӧлеклалтше шарнымаш кас эртыш.Тиде касыште Марий Оньыжа Анатолий Иванов лийын. Шарнымаш касым «Ямде лий» газет редакций да С.Г. Чавайн лӱмеш библиотекын пашаеҥже-влак ямдыленыт. Шошо касене Исенековын йолташыже-влак ятыр шарнымашым каласкалышт, тунемшыже-влак почеламутым пӧлеклышт. Куанле ыле …