2015 ий 12 июньышто Россий кечын Марий Эл Республике Курыкмарий район Сиухино ялыште «Пеледыш айо» регион-влак кокласе мурымо пайрем эртыш.

Пайремым торжественно почмаште Марий Эл Республикысе Кугыжаныш Погын вуйлатышын алмаштышыже, Марий Оньыжа Анатолий Иванов лийын. Тудо районын еҥже, унаже, пайремым ыштыше-влакым уло кумылын саламлен да пиалым, тазалыкым, у деч у сеҥымашым тыланен.

Марий Оньыжа палемден: «Роды дä пашкудывлä доно вäш-вäш пуры хына лин, шӹвӹр-тӹмӹр, гармонь дä баян семеш веселäн мыралтен-кушталтен, молы ӹзäк-шоляк халыквлäм шотеш пиштен, тидӹ айом иквäреш эртäрäш дä анзыкылаат ик ышын ӹлäш цаценä. Вет мары халык первишенок ӹшке хынажым цела киндӹ-санзал доно вäшлин, айо мырым мыралтен, сек тотлы качкышыжы доно хыналыктен. Äлдä мääт тидӹ пуры овуцам пакыла нäнгенä».

Россий Федерацийын кугыжаныш суверенитетше нерген Декларацийым пеҥгыдемдымаш виян элым ыштымаш дене кылдалтын, а Россий кече элнан эртыме корныж дене кугешнымашым да ончыкылыкшо нерген шонымашым ончыкта. Кугу Сеҥымашлан 70 ий темме жапыште шкаланна да шочшына-влаклан эрыкым арален моштымаш утларак шижалтеш. Пырля гына тÿнямбалне тыныслыкым ыштен кертына, пырля гына элнам вияҥдена. Волгыдо ончыкылыкна мемнан деч да ыштыме пашана деч шога. Иктешлен Анатолий Иванов.

Мучашлан «Пеледыш айо» пайремым эртараш кумылаҥдыше кокла гыч иктыже, Курыкмарий рÿдö клуб системым вуйлатыше Леонид Кубековлан Мер Каҥашын Таумутшым кучыктен.

Автор: Эльвира Куклина.