2015 ий 20 июньышто, йÿла почеш, Регион-влак кокласе Пеледыш пайрем эртыш. Тений тудо Марий Эл Республикын 95 ияш лÿмгечыжлан пöлеклалте. Марий Элын чыла районжо, Йошкар-Ола да марий калыкын илыме шым регион гыч чумыргышо калыкым Марий Оньыжа Анатолий Иванов саламлыш.

Марий Оньыжа Мер Каҥашын Таумутшым Марий кугыжаныш университетын марий йылме да сылнымут кафедрын доцентше Силантий Сабитовлан, М.Шкетан лÿмеш Марий кугыжаныш драме театрын директоржым Юрий Русановлан да предприниматель Алексей Ильинлан кучыктыш.