27 мартыште Йошкар-Олаште Марий Элысе мер-политик рӱдерыште Мер Каҥашын Регион-влак кокласе «Марий форум: шошо сессий» конференцийже эрта. 10 шагатлан тӱҥалеш. Паша радам:

1. Россий Федерацийын калыкле политикын негызше да тудым шыҥдарыше йӧн-влак.
Докладым ыштыше: Ширяева Г.С., тӱвыра, печать да калык-влак пашаш шотышто министрын алмаштышыже, «Саскавий» ОО Вуйверын еҥже

2. «Калыкле-тӱвыра автономий» шотышто 1996 ийысе 17 пеледыш 31-РФ номеран Федерал Законым (вашталтышан) илышыш пуртымо шынык.
Докладым ыштыше: Радыгин А.И., Мер Каҥаш Вуйверын еҥже, ойлышо-влак Третьяков О.А., Алтаева И.В.

3. Тӱвыра идалыкыште мер ушем-влакын пашашт.
Докладым ыштыше: Актанаев В.И., тӱвыра, печать да калык-влак пашаш шотышто министрын икымше алмаштышыже, умбакыже — вер гыч увер-влак

28 мартыште Мер Каҥаш 5-ше Пленум ойпогынымаше лиеш. 9 шагатлан тӱҥалеш. Паша радам:

1. Мер Каҥашын еҥже-влакын IX Марий калык Погын деч варасе паша лектышышт нерген.
Докладым ыштыше-влак: Юсупов Ю.А. (Угарман), Иванов И.А., Канакаев Л.И. (Урал), Кудрявцев А.Г. (Киров), Попова Р.Ш. (Пермь), Губаев И.И., Байбулатов В.Т. (Башкортостан), Третьяков О.А. (Татарстан), Радыгин А.И. (Одо)

2. Регион-влак кокласе Марий мер толкынын негыз кагазше-влак нерген.
Докладым ыштыше: Русанов Ю.П., Мер Каҥаш оналмаш