1-ше йодыш: Морко район вуйлатыше ден мер пашаеҥ-влакын марий шўлышым аралымашке пыштыме надырышт.
1. Александров А.А., район администраций вуйлатышын алмаштышыже витньыкым лудын (пеленлалтеш).
2. Александрова С.Л., туныктыш пєлкан методический кабинетшым вуйлатышыже витньыкым лудын (пеленлалтеш).

Витньыкым лончылымаш.
1). Третьяков О.А., Мер Каҥаш Вуйверын еҥже. Тиде районышто марий йылмым чыла марий школлаште туныктыман, шукыракше шочмо йылме семын.

Пленум пунчалеш:
1. А.А. Александровын, район администраций вуйлатышын алмаштышыжын да С.Л. Александрован, туныктыш пєлкан методический кабинетшым вуйлатышыжын, докладыштым шотыш налаш.
2. Морко район вуйлатыше да мер пашаеҥ-влакын марий шўлышым аралымашке тыгай надырым пыштымыштым палемдаш:
 калык лӱмым нумалше коллектив-влакым арален кодымашым;
 йоча творческий коллектив-влакын чотышт ешаралтмыжым;
 марий пайрем, юбилей-шамычым шот дене ямдылымым да эртарен колтымым.
3. Верысе Марий Мер Каҥаш активлан темлаш:
 марий йылмым, культурым, калыкын йӱлажым арален кодымо, йоча-влакым кукшӧ мораль да нравственность негызеш шуарен куштымо;
 посёлкылаште марий йылме дене шуарыме йоча школ деч ончычсо туныктыш учреждений але группо-влакым почмым да нунын пашаштым саемден колтымо;
 ялыште илыше марий-влакым социально аралыме да нунын тазалыкыштым саклыме системым вияҥдыме;
 марий калыкын национальный ойыртемже семын массовый спортым вияҥдыме, таза илыш йӱлам шыҥдарыме — тыгай шонымаш дене яллаште спортивный сооружений ден объект-влакым чоҥымо;
 калыкын илышыжым саемдаш шонымаш дене йырым-йырысе пӱртӱсым аралыме, яллашке газым пуртымо программым ямдылыме да шуктымо, илыме верым, коммунальный сооруженийлам, пеҥгыде шартышан корным, социальный, туныктыш да тӱвыра кӱлешлыкан объектлам ыштыме пашаште республикысе да районысо исполнительный ден представительный кучем (власть), верысе шкевиктем (самоуправлений) дене пеҥгыде кылым кучаш.
4. Морко районысо исполнительный, представительный кучем да верысе шкевиктем-влаклан марий мер ушем-шамыч дене эртарыме пашам вияҥдаш темлаш.
5. Марий Мер Каҥаш Вуйверлан Морко район вуйлатыше да мер пашаеҥ-влакын марий шӱлышым аралыме шотышто пашаштын сай шыныкыштым (опытыштым) моло верыштат шыҥдараш. «Марий Эл» ден «Морко мланде» газетлаште С.Л. Александрован витньыкше дене келыштарыме статьям савыкташ.
6. Пунчалым илышыш пурташ вуйын шогышылан Вуйверым да тудын исполкомжым палемдаш.
Йўклымаш:15 еҥ келшен, тореш лийын огытыл.

2-шо йодыш: Мер Каҥашын Российысе финн-угор калык-влакын V Погынжын резолюцийжым шуктымо паша шотышто.
1. Мочаев В.А. витньыкым лудын (пеленлалтеш).

Витньыкым лончылымаш.
1). Третьяков О.А., Мер Каҥаш Вуйверын еҥже Регионлаште огыт сите марий йылмым да литературым туныктышо-шамыч. Марий Элыште тиде недостаткым тєрлышє образовательный учрежденийым почман.
2). Васютин М.З., тӱвыра, печать да калык-влакын пашашт шотышто министрже Президиумлан соответствующий серышым ямдылаш да Марий Эл Республикын туныктыш министерствышкыже колтыман.
3). Иванов А.Н., Оньыжа Российысе финн-угор калыкын V Погынжын лектышыже нерген ойлыш. Марий йылмым ешыште туныктымо, школышто эртарыме мероприятий-влаклан марла сценарийым возымо да Морко район опытым шаркалыме шотышто шогале.

Пленум пунчалеш:
1. В.А. Мочаевын докладшым шотыш налаш.
2. Мер Каҥашлан Российысе финн-угор калык-влакын V Погынжын резолюцийжым да тудын дене кылдалтше мер каҥашымашын (кылме тылзын 1-ше кечыштыже лийын) резолюцийжым илышыш пуртен шогаш.
3. Пунчалым шуктен шогымо пашам В.А. Мочаевлан ўшанен пуаш.
Йўклымаш: 15 еҥ келшен, иктат тореш лийын огыл.

3-шо йодыш: Тӱрлӧ: 1). Регионысо марий-влакын вуйлатышыштын Финнугор сайт гочын ыштыме официальный обращенийже шотышто.
1).Иванов А.Н., Оньыжа Южо регионысо марий-влакын вуйлатышыштын Финнугор сайт гочын ыштыме официальный обращенийже шотышто кутырен налаш кӱлеш. Обращений дене палдараш мут В.А. Мочаевлан пуалтеш.
1). Мочаев В.А. обращенийым лудын (пеленлалтеш). Мемнан Устав уло. Мер Каҥашын паша шот дене кая. Паша Уставым регистрироватлыме деч ок шого. Обращений гыч лектеш, пуйто Марий Элыште паша плокан кая. Келшем, марий йылме туныктымо паша кая декларативно, вопрос «замыливается».
2). Радыгин А.И., Мер Каҥаш Вуйверын еҥже Ме лўдына у корныш лекташ. Пашам ышташ лиеш кум корно дене: а) лўдын, б) Москва землячество семын, в) марий-шамычын Российысе национально-культурный автономийым ыштыме паша. Автономийым ыштыманак. Ме Удмуртийыште пашам план почеш, шкенан Правительстве дене келшен ыштена. IX Погын сайын эртен кайыш, нимомат, нигємат тӱкен огытыл. Марий йылмым тунемаш кӱлеш.
3). Третьяков О.А., Мер Каҥаш Вуйверын еҥже Петырыме школ-влакым почман да тушто пашам ыштыман. Тиште кечым вес семын ыштыман. Мийыза мемнан деке.
4). Мусихина Л.И., председатель правления МОО «НКАМ г. Казани»
Шкенан проблемынам Интернет деч посна решатлен кертына. Самырык-влакым туныктыман.
5). Иванов А.Н., Оньыжа Устав уло, паша кая. Устав вашталтыме нерген эре ойлена. Вес регионлаште илыше марий-влак дене пырля пашам ыштена да ыштена плокан огыл.
6). Васютин М.З., тӱвыра, печать да калык-влакын пашашт шотышто министрже По сути обращения. Как сказал В.И. Ленин: «По сути, верно, по форме безобразно». Нужно ли было поднимать вопрос на мировой уровень через Интернет? Думаю, что нет. У кого требуете? Вы же сами члены Президиума Всемарийского Совета. Учитесь работать у соседей татар. Регистрация нужна в регионах для получения финансирования, а в РМЭ другая ситуация. Здесь есть юридические лица: Марийский национальный конгресс, Марийский центр культуры и другие.
Второе. Предыдущие Оньыжи самодостаточные люди, они сами планируют свою жизнь, свою работу. Придут ли, захотят ли они поделится своим опытом? Не знаю.
Нужно знать и учитывать нынешнюю внутриполитическую ситуацию и соответственно строить нашу работу. У нас есть Марий Эл и пусть она будет ещё сотни лет в составе Российской Федерации. Не нужно дружить против кого-то, надо дружить за нас.

Пленум пунчалеш:
1. Регионысо марий-влакын вуйлатышыштын Финугор сайт гочын ыштыме официальный обращенийым шотыш налаш.
2. Уставын проектшым шотыш кондашлан пашаче комиссийын тыгай состав дене пеҥгыдемдаш:
Радыгин А.И., Мочаев В.А., , Третьяков О.А., , Губаев И.И., Юзыкайн Э.А. (келшыме почеш)
3. Мер Каҥашын еҥже-влаклан, Уставын проектшым шымлен лекмеке, пашаче комиссийыш ойкаҥашым пуаш.
Шуктышаш жап: 2014-шо ийын ӱярня (март) тылзын 1-ше кечыж марте.
4.Пунчалым илышыш пурташ вуйыншогышо енже-влаклан Мочаев В.А. ден Радыгин А.И. палемдаш.
Йӱклымаш: 15 еҥ келшен, тореш лийын огытыл.