Паша радам:
1. Российысе финн-угор калык-влакын V Погынын лектышыже нерген.
Витньык (доклад): Мочаев В.А.
Йодышым ончымаш.
1. Мочаев В.А. витньыкым лудын (пеленлалтеш).
Витньыкым лончылымаш.
1. Русанов Ю.П., оналмаш Ме марий-шамыч шкенан республикыште нерышырак улына, а йот погынымаште талышнена, шуко сайым ойлена, ончыктена ( сай пример-влак шотеш З. Дудина да Э. Куклинам кондыш). Умбакыже моло калык талышна, а ме — эркышнена.
2. Пушкина Н.В., Вуйверын еҥже Марий поэт, писатель да артист-влак шке йочашт дене марла огыт кутыро, тиде нимолан ок йєрє. Мемнан ялыштат йоча-влак рушла кутырат. Тыште ача-ава титакан. Тыге лийшаш огыл.
3. Бушков Р.А., » Татарстан Республикын МНКА» Советын сопредседательже
Марий еҥ вес калык коклаште шукыж годым рушла кутыра гынат, тудын марий улмыжым шижаш лиеш. Марий йылмым, тӱвырам, йӱлам палынет гын, луд марла газетым, журналым, кошт театрыш. Тидым ида мондо, марий-влак.
4. Губаев И.И., Мер Каҥашын еҥже Финн-угор калык шкенжын эртыкын кугу ужашыжым йомдарен. Пєртылташ, кычалаш кӱлеш. Марла кутырымаш иземеш. У марий орфографийын мутержым савыктыман, тудо кажне школышто лийшаш.
5. Галкин В.Ф., Мер Каҥашын еҥже Марий йылме да литературым туныктымо паша директор дечын шога. Садланак нунын дене пашам сайын ыштыман. Тений марий тиште кечым вес семын эртарен колтынена.
6. Ширяева Г.С., тӱвыра, печать да калык-влакын пашашт шотышто министрын алмаштышыже Национальный политике нерген умылтарыш. Варажым Российысе финн-угор калыкын V Погынжын лектышыже нерген ойлыш.
7. Иванов В.И., Вуйвер исполкомын вуйлатышыже Мер каҥашымаш резолюцийын проектше дене палдарыш.
Эшкинина Г.С., Пушкина Н.В., Третьяков В.А. электронный учебник, марий периодикылан подписке, марий йылме да литературым туныктышо-влакым Марий Элысе институт образованийыште ямдылыме нерген ойка‰ашым пуышт.

Мер каҥашымашын резолюцийже:

1. В.А. Мочаевын витньыкшым (докладшым) йӱплаш (одобрить).
2. Марий активист-влаклан регион да районлаште Российысе финн-угор калык-влакын V Погынжын материалже-влакым калыклан умылтараш.
3. Марий Мер Каҥашлан финн-угор мер ушем ден толкын-влакын пашаштышт чолган участвоватлаш.
4. Российысе финн-угор калык-влакын V Погынжын резолюцийжым илышыш пурташлан:
1) йылме, шанче да туныктыш аланыште:
-шочмо йылмым да Россий Федерацийысе калык-влакын кугыжаныш йылмыштым, йот йылме-влакым тунемаш самырык тукымым кумылаҥдыме йєн дене кок да тылеч шукырак йылме дене мутланыше обществым ыштымаш пашам вияҥдаш,
-туныктымаште электронно-образовательный ресурсым кумдан кучылташ, тудын коклаште электрон учебник-влакым ыштыме пашам шуяш, марий йылмым дистанционный йӧн дене туныктымо системым ыштымашке ушнаш,
-тӱҥалтыш школлан марий йылме дене, тидын шотыштак марий диалект-влак дене учебник комплект-влакым ямдылыме пашам вияҥден колташ полшаш,
-Марий туныктыш институтышто дипломан марий йылме да литератур туныктышо-влакым ямдылыме курсым почаш полшаш,
-Финн-угор кусарыше-влакын ушемыштым ыштымашке надырым пышташ,
-марий тӱвырам, литературым да сымыктышым шымлыме шанче проект-шамычлан полшышо грант-влакым шукырак ыштыме шотышто республикысе кучемыш йодмаш дене лекташ;
2) тўвыра, сылнымут да кызытсе увер-аҥар технологий аланыште:
-Марий Мер Каҥаш активлан марий йылме дене лекше газет да журналым шукырак ешыш кондымо пашашке ушнаш,
-радио-, телепередаче-влакым шукырак да кужунрак эртараш кӱлмӧ йодыш дене Марий Эл Республикысе кучем деке ойкаҥаш дене лекташ,
-марий йылмым кучылтшо интернет-портал-влаклан кертме семын полшен шогаш,
-республикысе финн-угор калык-влак коклаште кылым пеҥгдемдаш да умбакыже шараш;
3).Тазалык, демографий да еш аланыште:
-ялыште илыше марий-влакым социально аралыме да нунын тазалыкыштым саклыме системым вияҥдымым шинча ончылно кучаш;
-«Земский доктор» программым илышыш пуртымо йодышым Марий Эл Тазалыкаралтыш министерствыжлан шарныктен шогаш;
-марий йылмым, тӱвырам, калыкын йӱлажым арален кодымаште, йоча-влакым кӱкшӧ мораль да нравственность негызеш шуарен куштымаште марий калыкын шӱм-чон поянлыкшын негызше семын марий ешын рольжым кугемден толмо пашам шукташ;
-экологийым саемдыме, аракам йӱмаш да наркотик дене пайдаланымаш ваштареш кучедалме шотышто моло конфессий-влак дене пашам пырля ыштымым вияҥдаш;
-ешым пеҥгыдемден шогымо пашам ончыкыжат шуяш.
4).Самырык марий-влак коклаште шуктымо паша аланыште:
-самырык-влакын мер организацийыштым шукемдымым, молодёжный слёт ден форумым, конкурс ден фестиваль-влакым эртарыме, моло тӱрлӧ пашам шуктымо йӧн дене иктаҥаш-влак коклаште кылым пеҥгыдемдыме да самырык-влак коклаште марий йылмым палымын престижшым кугемдыме пашам ик эн тӱҥлан шотлаш;
-самырык тукымым мер-политике пашаш, молодёжный парламентлашке, тӱрлӧ кӱкшытан депутатыш ойырымашке ушен шогаш;
-ялысе йоча да самырык-шамыч дене кылдалтше мер ушнык-влакын пашаштым писемдаш полшаш.
5. Чыла Мер Канаш еҥлан школ и йоча сад-влакын Вуйлатыше ден Попечительский Совет-шамычын пашашкышт ушнаш.
6. Резолюцийым илышыш пурташ вуйын шогышылан Российысе финн-угор калык-влакын ассоциацийыштын Марий региональный пєлкан председательже В.А. Мочаевым пеҥгдемдаш.
Мер каҥашымашын резолюцийже верч йўклымаш: 173 еҥ келшеныт.