«Марий сандалык – Марийский мир» журналын у 20-шо (2008 ий гыч шотлаш гын) номерже лектын.

Марий форум, Йошкар-Олаште, Москошто Пеледыш пайрем, Татарстанысе Йӱштӧ Памашыште Семык … Оҥай «Юмынкайык лӱман ял» статья. А «Костромской клад» ӧрыктара да шонаш тарата. Мутлан, «В 1897 году Всеобщая перепись учла в Ветлужском уезде Костромской губернии 2001 черемиса. На 1911 год их количество составило уже 3120 человек. Перепись 1920 года зафиксировала 3264 черемиса… следует говорить не об «отдельных отличиях», а о северо-западном наречии, по сути, о четвёртом типе языка, на котором говорят здесь марийцы».

«Тиде мландыште илыме шуэш» рубрике Марий Эл Килемар район Йӱксар селашке наҥгая. А «Марий-влак Россий мучко илат» рубрике Пермь край Чернушинский район Текловка нерген каласкала. Палемдыман: тений шыжым «Марий сандалык» журналын икымше номерже лекмылан вич ий темеш. Ала тидын вашеш палемдыме рубрике йымалне лекше статья-влакым книгашкат чумырен шуктат.

Журналыште «Саскавий» лаштыкат умбакыже шуйна. Одо кундемысе «Ава шӱм» ӱдырамаш ушем, «Немда тӱналтышлан вуйсавыш» акций, пеледышын ю вийже, тӱрлемӱдыр Прасковья Ласточкина нерген лудаш лиеш. Тыгак Лидия Семёнован «Лочо» ойлымашыже виян.

Ӱлнырак лудын кертыда.

Автор: Эльвира Куклина.