21 октябрьыште Йошкар-Олаш Москосо венгр тÿвыра, шанче да увер рÿдерын тÿвыра шотышто секретарьже Анита Хеньди паша дене толын ыле. Тудын дене Мер Каҥашын еҥже-влак вашлийыныт. Тушто Марий Оньыжа Анатолий Иванов лийын.

Вашлиймаш годым Анита Хеньди Венгр рÿдерын пашаж нерген каласкален. Чумыргышо марий интеллигенций финн-угор тÿвырам вияҥдыме шотышто йодышым нöлталыныт. Венгр да марий калык-влакынат ты шотышто надырышт нерген ойленыт.

Марий Оньыжан икымше алмаштыже, «Марий сандалык — Марийский мир» журналын редакторже Валерий Мочаев Аниталан журналын у номерже-влакым кучыктен.

Кастене венгр уна «Майатул» финно-угор театр-влакын тÿнямбал Х фестивальыштым почмаште лийын, Москосо венгр тÿвыра, шанче да увер рÿдерым вуйлатышын лÿмжö дене калыкым пайрем дене саламлен.