26 вӱдшорын У Торъял тӱвыра да каныме рӱдерыште Марий талешке кечылан пӧлеклалтше «Ший талешке» районысо интеллектуал марафон эртаралтын. 

Марафоныш 5 команде ушнен: «Кумыл апшат» (Кузнеч школ), «Патриот» (Тошто Торъял школ), «Онар тукым» (У Торъял), «Онар уныка» (Кӱан Памаш школ), «Онар» (Токтарсола школ).

Марафонын участникше-влак, вуйым савен, талешке-влакын чапкӱшт воктеке пеледышым пыштеныт.

Марафон кум ужаш гыч шоген: «Марий патыр-влак», «Марий йӱла» да «Марий тӱвыра».

Ӱчашымаште кумшо верыш «Онар уныка» (вуйлатыше Иванова А.Г.) да «Онар тукым» (вуйлатыше Ермакова А.В.) лектыныт, кокымшо верышке — « Кумылапшат» команде лектын (вуйлатыше
С.И. Шестаков), икымше верым Токтарсола школын «Онар» командыже сеҥен налын (вуйлатыше А.Г. Рыбакова) Нунылан шарнымашан пӧлек кучыкталтын.

Пайремым сӧрастараш У Торъял тӱвыра да каныме рӱдерын «Чудесенка» дуэтше (Ольга ден Юлия Якимова), Дмитрий Афанасьев, «Семэҥер» дуэт (вуйлатыше Лиана Смирнова) сӧрастареныт.

Марий калык шке талешкыже-влаклан эреак вуйым саваш тӱҥалеш.
Нунын гай тале, лӱддымӧ, калыкым чапландарыше лияш тырша.

У Торъял тӱвыра тӱвыра да каныме рӱдерын калык усталык паша шотышто методистше Лиана Смирнова