2016 ий 12 майыште Марий Эл Республикысе мер-политик рӱдерыште (Йошкар-Ола) Мер Каҥаш активын погынымашыже эртен. Паша радам почеш, кум тӱҥ йодышым онченыт.

Эн ончычак Регион-влак кокласе Пеледыш пайремым ямдылыме да эртарен колтымо шотышто каҥашеныт. Тудым 18 июньышто Марий Элын рӱдолаштыже эртараш палемдыме.

Тыгак 1 июньышто Регион-влак кокласе «Изи мӧр пеледыш» йоча фестиваль-конкурсым ышташ кутырен келшыме. Тудат Йошкар-Олаште лиеш.

А Марий самырыктукымын Россий кӱкшытан VIII слётшым август тылзыште Оршанке районышто эртараш кутырымо.

Автор: Эльвира Куклина.