2022-ше ий, ӱярня тылзын 19-ше кечыже

Марий Эл Республик, Йошкар-Ола

1. Сессий палемда: Форум ныл регион гыч (Пошкырт, Татарстан, Угарман, Марий Эл) 120 участникым ушен.
2. Российын финн-угор тӱняште марий ТУЙ-влак ончыл  верыште  улыт:

а) прессе (газет, журнал) 16 лектеш, икымше верыште улына,

б) Интернет тӱняште марий савыктыш, телерадио канал-шамыч кугу верым айлат,

в) марий блогер-влак чолгалыкым ончыктат,

г) компьютер лингвист Чемышев Андрей Валерьевичын командыже Интернет кумдыкышто цифровой технологийым кучылтын марий йылмым тӱнямбал кӱшкытыш нӧлта: «Йӱк технологий» проектым илышыш пуртымеке, диктофоныш возымо йӱкым расшифровко деч посна вигак текстыш савыраш йӧн лиеш.

• Темлымаш-влак:
• Марий Элысе да вес кундемласе йоча тӧнежлаште марий ТУЙ-ым вияҥдаш манын, подпискым ышташ кугыжаныш деч субсидийым йодаш;
• «Марий Эл. Официальный документым савыктыше газетым» савыкташ ешартыш оксам ойыраш манын Марий Эл виктерыш серыш дене лекташ.
• Марий Элысе тӱвыра, печать да калык-влак паша шотышто министерствылан ТУЙ-ышто ыштыше-влаклан шинчымашым нӧлтышӧ семинар-влакым эртараш;
• Марий блогер-влак коклаште эртаралтше конкурс-влакым умбакыжат эртарен шогаш;
• Марий Элысе информатизаций да увер-кыл департаментлан чыла организаций-влакын компьютерышкышт марий букван раскладкым шындаш;
• Марий Эл ТВ-н контентшым вес регионлашке шараш манын лицензийлан Марий Эл виктер деч шийвундым йодаш;
• ВГТРК-ан  Марий Элысе филиалыштыже аралалтше марий калыкын тӱвыра да сымыктыш поянлыкшым – Шӧртньӧ шондыкшым, Шӧртньӧ фондшым – кумда тӱняш лукташ;
• ВУЗ-влак дене пырля план але программе почеш ТУЙ-лан келшыше специалист-влакым (журналистым, кусарышым, корректорым, дизайнер-верстальщикым, компьютер лингвистым, сайтым вӱдышым, радио да теле вӱдышым) ямдылыме шотышто кутырен келшаш;
• Марий мер ушем-влаклан чыла пашам ыштыше соцсетьлаште шке лаштыкым почаш да тудым эреак чолган вÿдаш темлаш;
• Лишыл марий самырык тукым слётым ТУЙ йодыш дене кылдаш;
• «Юнкор» слётым умбакыже шуяш.