Айста 8 телын / декабрьыште луымшо гана эртаралтше, Марий тиште кечылан пӧлеклалтше «Марла чын возена» тӱнямбал кӱкшытан тӱшка диктантым возымашке ушнена. Моско жап дене 10 шагатлан тӱҥалеш.

Йошкар-Олаште диктантым возаш лиеш:

— Марий кугыжаныш университетысе калыкле тӱвыра да тӱвыра кокласе коммуникаций институт (Кремль урем, 44, Йошкар Армий урем могырым пурыман).

— Марий Эл Республикын С. Г. Чавайн лÿмеш калыкле книгагудышто (Пушкин урем, 28).

Россий Федерацийын регионлаштыже, тыгак вес эллаште диктантым синхронно возаш лиеш.

— Диктантлан вуйын шогышо-влак 6 декабрь марте Марий кугыжаныш университетысе калыкле тӱвыра да тӱвыра кокласе коммуникаций институтын марий йылме да сылнымут кафедрыжын электрон почто адресышкыже (mardiktant@mail.ru) диктантым возаш йодмашым колтат.

— Акцийыш ушнышо-влаклан 8 декабрьыште, 09 шагатат 45 минутлан, диктант текст колталтеш.

ВКонтакте да моло социальный сетьлаште, Марий Эл Радио эфирыште, МЭТР да «Акпарс» студийыште вияш трансляций лиеш. Трансляций пытымеке, онлайн-диктантым возышо-влак шке возымыштым терген кертыт.

#МарийДиктант, #МарлаДиктант, #МарлаЧынВозена, #МарлаТӧрСиренӓ.