Сылне пайремда дене – Туныктышо кече дене шокшын-шокшын саламлем!

Туныктышо мутшак ава манме гай ныжылгын йоҥгалтеш. Кö ок шарне парт коклашке икымше гана шичме татым? Кö монден кертеш икымше туныктышым? Кажне еҥым илыш корныш шогалме пагытыште туныктышо-влак эскерат да виктараш полшат.

Пагалыме-влак, Тендан кидыштыда самырык тукым, Марий кундемын, кугу Российын ончыкылыкшо. Марий калыкын эрласе ÿшанже. Те икшыве чонышко поро кумылым пыштен, уш-акылыштым пойдарен, койыш-шоктышыштым сылнештарен у тукымым куштеда. Тыгай паша кугу тÿткышым, моштымашым, пеҥгыдылыкым йодеш. Тек чыла тиде куат Тендан ситышын лиеш. Сомылда воранен толжо, тунемшыда-влак волгыдо сеҥымашышт дене куандарен шогышт.

Йöратыме туныктышо-влак, пиал коркада эре тичмаш лийже! Тумо гай пеҥгыде тазалыкым, яндар да кужу илыш корным тыланем.

Пайрем дене!

Пагален Марий Оньыжа Эдуард Васильевич Александров.