2015 ий 26 февральыште Йошкар-Олаште Марий Эл Республикысе кугыжаныш национальный политике концепцийым илышыш шыҥдарымаш шотышто правительстве комиссийын да Тӱвыра министерствысе калык-влакын пашашт шотышто советын погынымашыже эртен. Погынымашым правительствым вуйлатышын алмаштышыже, тӱвыра министр Михаил Васютин вӱден. Тушто Марий Оньыжа Анатолий Иванов лийын.

Паша кышкар дене кылдалтын, кок йодышым онченыт. Кужэҥер район администраций вуйлатышын алмаштышыже Нина Сергеева районысо калык-влакын тӱвыраштым, йылмым вияҥдыме паша нерген ойлен.

Тӱвыра, печать да калык-влакын пашашт шотышто министрын алмаштышыже Галина Ширяева республикыште кугыжаныш национальный политике дене кылдалтше программе кузе шукталтме нерген каласкален.