3 декабрьыште Республикысе медицине колледж пелен 25 марий врач чумырген. Тыгай погынымашым Марий эмлыше-шамычын «Вӱршер» мер организацийышт эртен. Тушко Марий Оньыжа Анатолий Ивановат миен да погынышо-влакым саламлен.

Тыгодымак Анатолий Иванов Курыкмарий землячествын опытшылан эҥерташ темлен. Вет ты землячествын еҥже-влак тӱрлӧ аланыште тыршыше эмлыше-влакым районышко коштыктат. Теве кодшо ганат Килемар районысо Арды селашке миеныт да 150 еҥым тергеныт. А молан лекташ огыл марий врач-влаклан тыгак моло районыш!?

Марий Оньыжа марий врач-влаклан Мер Каҥашын пашаж нергенат каласкален да нунылан чытымашым, сай лектышым, шкаланыштат тазалыкым тыланен.

Касым мурызо, музыканче Лилия Петухова ден Родион Алексеев сӧрастареныт. Палемдыман: «Вӱршер» мер организацийым Республкысе социальный страхований фондын пашаеҥже Юрий Петров вуйлата.

Автор: Эльвира Куклина.