Килемар районысо «Восход» мер политик газет у ошкылым ыштен. Ынде газетыште «Ирӹ жерӓ» марий лаштык лекташ тӱҥалеш. Тудын редакторжо Мер каҥаш вуйверын еҥже Н.И. Алатайкина. Икымше лаштык 2020 ий вӱдшор тылзын 3 кечынже лектын.

Марий лаштыкын кӱлешлыкше нерген ятыр вашлиймаште мутланыме. Килемар районышто Мер Каҥашын вуйвержын погынымаштыже Оньыжа Э.В. Александров туран ойлен. XI Марий калык погыныш ямдылалтме годым район конференцийыштат тидын нерген мутланыме. Ынде шонымаш илышыш шыҥдаралтын.

У лектыш дене саламлена.