15 январьыште Морко районысо администрацийын актовый залыштыже  XI-ше Марий калык Погыныш сайлалтше делегат да Морко районысо марий активын конференцийже эртен.

Конференцийыште 2016-2019 ийлаште ыштыме пашам иктешленыт да Мер Каҥашын еҥжым ойыреныт.

Морко район вуйлатыше А.Н. Голубков районын социал да экономик вияҥме нерген ойлен. Марий Оньыжа, Марий Мер Каҥаш вуйлатыше Э.В. Александров делегат-влаклан  Погынышто пашам кыртмен ышташ, марий-влакын ончыкылыкшо верч тыршаш  тыланен. Морко район гыч 18 делегат XI-ше Марий калык Погынын пашашкыже ушнат.