28 пургыжын Севастопольысо калыкле-тӱвыра ушем-влакын ассоциацийже «Крымыште илыше калык-влакын шошо пайремышт-влак» мероприятийым эртарен. Тудо «Звездный» рестораныште кокымшо ий эртаралтеш. Пайремыш 33 калык шкенжын вургемже дене толын, ойыртемалтше моторлыкшым кугешнен ончыктен.

Марий-влакат Урал марий вургем (Марий Тавра гыч Зинаида Озерова), сорокан тувыр (Советский район гыч Валентина Рябинина), Морко вел ( Раисия Семенова) тоштымарий да стилизованный вургем дене лийыныт. Марий пӧръеҥ-влакат мотор ош марий тувырым чиеныт.

Пайрем жапыште марий-влак шкенышт дене палдареныт, погынышо калыкым шочмо йылме дене саламленыт.

Тыгай вашлиймашым ассоциацийын ончычсо председательже Валерий Мелодан шонен луктын. Чаманена, тудо кок ий ончыч илыш дене чеверласен. Тудо 25 ий тудо тӱрлӧ калыкым поген, ваш-ваш ушен.

Мер Каҥашын еҥже Р. Садовина (Севастополь ола)