Таче Оньыжа Эдуард Васильевич Александров 45 ияш лӱмгечыжым пайремла.

Тудо 1977 ийын ага тылзын 12-шо кечынже Марий АССР Юлсер кундем Сотнур селаште шочын.

Марий самырык театрын исполнительный директоржо (2015), Марий Эл Республикысе Мер-политик рӱдерын директоржо (2018).

Марий калык конгрессын вуйлатышыже (2011-2016), X да XI Марий калык погынлаште Эдуард Александровым Оньыжалан сайленыт (2016, 2020), «Общенародный фронт» регионысо штабын да Марий Элысе Общественный палатын еҥже.

«Марий Эл тӱвыран сулло пашаеҥже» чап лӱм (2015), «За заслуги перед Марий Эл» орденын медальже (2020 ий) дене суапландаралтын.

Ешан, вич икшыван ача.

Пагалыме Эдуард Васильевич, шочмо кечыда дене саламлымашым чумыр марий калык деч налза. Калыкнам ончыко вӱден наҥгаяш вий-куатым, патырлыкым, уш-акылым Ош Поро Кугу Юмо эре пуэн шогыжо. Лийза таза да пиалан, виян да пеҥгыде, воктенда эре ӱшанле да полшаш кумылан йолташда лийышт!

Пайрем дене!