2021 ий 6 декабрьыште Марий Оньыжан икымше алмаштышыже (оналмаш), «Марий сандалык – Марийский мир» журналын тӱҥ редакторжо, чолга марий пöръеҥ Валерий Александрович Мочаев 65 ияш лÿмгечыжым палемда.

Валерий Александрович Марий кундем Шернур район Корембал ялыште шочын. Марий кугыжаныш педагогик институтым (1982), Российысе кугыжаныш гуманитарий университетым (2003) тунем пытарен.
1987-1991 ийлаште республикысе «Молодёжный курьер» газетын тÿҥ редакторжо лийын. Тудын тыршымыжлан кöра 1983 ий гыч идалык еда Марий Элыште тиде газетын изи марафонжым эртарыме.

2002 ийыште республикын чапланыше еҥже-влак дене палдарыше «Кто есть кто в Марий Эл» биографий справочникым савыктен. 2007 ийыште «Марийская биографическая энциклопедия» книгаже лекте. 2017 ийыште Марий биографический энциклопедийым луктын.

2008 ий годсек (икымше номер гычак) «Марий сандалык – Марийский мир» журналын тÿҥ редакторын алмаштышыже, варажым тӱҥ редакторлан тырша.

Пагалыме Валерий Александрович, марий калыкын Талешкыже лӱмым шке пашада дене сулен налында. Пеҥгыде марий пöръеҥ, шке калыкше верч йÿлышö чонан чолга эрге, чын йолташ, пелаш, ача да коча! Ме Тендам сылне пайремда дене шокшын саламлена да тазалыкым, у деч у кÿкшытым, вий-куатым, кужу волгыдо илышым тыланена.