21 кылмын шке шочмо кечыжым, 65 ияш лӱмгечыжым Мер Каҥашын еҥже, «Саскавий» марий ӱдырамаш ушем вуйлатышын алмаштышыже Галина Степановна Ширяева палемдыш.

Галина Степановна Советский район Кыдал Кодам ялыште шочын кушкын, Марий кугыжаныш педагогик институтым (1978) тунем пытарен. Советский районысо комсомол райкомын секретарьже (1978-81), Республикысе калык усталык рӱдерын кугырак методистше (1982-86), Финн-угор калыкым тӱвыражым вияҥдыше фондын ответственный секретарьже (1991-97), 20 ий Марий Элын тӱвыра, савыктыш да калык-влакын пашашт шотышто министрын алмаштышыжлан (2001-21) тыршен.

Пагалыме Галина Степановна! Сылне пайрем кечыда дене шокшын саламлена! Тазалыкда пеҥгыде лийже, илыш курымда волгыдо да куан дене темже, кажне кечым йывыртен вашлийза. Лишыл еҥда-влак йӧратышт да чаманышт. Йолташда-влак эреак ӱшанле лийышт.