2015 ий идым тылзын 16 кечынже марий калыкын лӱмлö эргыже, Российын сулло сӱретчыже Иван Ямбердов (Ямбердэ) 60 ияш лӱмгечыжым палемдыш. Тудым Марий Оньыжа, Республикысе Кугыжаныш Погын вуйлатышын алмаштышыже Анатолий Иванов саламлыш.

Анатолий Николаевич Мер Каҥаш лÿм денек кужу ÿмырым,у деч у усталык кÿкщытым тыланыш да Таумутым кучыктыш.

Тиде кечын Иван Ямбердовын пайремжылан пöлеклалтше ятыр мероприятий Йошкар-Олаште эртыш. Теве калыкле тӱс сымыктыш галерейыште мастар еҥын ончерже почылто. Тушто Ямбердын ик эн палыме пашаже-влакым ужаш лиеш. Мутлан, «Сӱан кечын», «Маскан пайремже», «Марий чодыра», «Кожла мари оза». Посна верым марий ӱдырамаш образ налын. А чылаже галерейыште сӱретчын 45 радынаже аралалтеш.

Иван Ямбердовым саламлаш ятыр еҥ толын. Моткоч шуко чон гыч лекше ой йоҥгыш. Толшо уна кокла гыч шукышт Иван Ямбердовым шке йолташыштлан шотлат. Тиде айдеме поро кумылан, азап лийме годым полыш кидым шуялта, кӱлешан каҥашым пуэн сеҥа, куан годымат уло чон дене куанен мошта.

Пайрем М.Шкетан лÿмеш Марий кугыжаныш драме театрыште шуйныш.