8 ноябрьыште Морко посёлкышто поро кумылым ончыктышо кугу концерт эртыш. Тудым Мер Каҥаш ден Йошкар-Оласе Морко землячестве тарватеныт, М.Шкетан лӱмеш Марий кугыжаныш театр полыш кидым шуялтен. Тыге тушеч артист-влак, тыгак эстраде шӱдыр-влак касым сӧрастареныт.

А молан поро кумылым ончыктышо концерт? Ты касыш ужалыме билет окса Марий автномий областьысе Областной Совет ЦИК-н икымше председательже Иван Петрович Петровлан бюстым шогалташ кая. Вет 14 декабрьыште Морко район Шеҥше селан шочшыжо Иван Петровын шочмыжлан 125 ий темеш.

Сылне касыш чумыргышо-влакым Марий Оньыжа, Марий Эл Кугыжаныш Погын председательын алмаштышыже Анатолий Иванов, оналмаш, М.Шкетан лӱмеш театрым вуйлатыше Юрий Русанов да Морко район администраций вуйлатыше Сергей Григорьев саламленыт.

Тыгаяк поро кумылым ончыктышо концерт Йошкар-Олаште М.Шкетан лӱмеш театрыште 29 ноябрьыште лиеш. Билетлан кӧра погымо шийвундо Иван Петровлан бюстым тӱрыс ыштен шукташ лиеш.

Автор: Александр Петров