Марий тӱня мурызо, журналист да мер пашаеҥ Данилова Раисия Михайловна дене чеверласа.

Марий АССР Юлсер Чодраялын ӱдыржӧ Йошкар-Олаш тунемаш толмеке кугу кӱкшытыш шуын. «Марий Эл» ансамбль хорын уста солисткыже, Марий радион да «Марий Эл Радион» ик эн тале журналистше лийын. Мер пашаштат эреак ончыл радамыште шоген. 3-7 да 9-10 Марий калык погын-влакын делегатше, 1992-1996 ийлаште Мер Каҥашын еҥже  семын палыме.

Тудо шке пашаж дене, илыш приницип-влакше дене тӱрлӧ шонымашан, тӱрлӧ йӱлан, тӱрлӧ ийготан еҥ-влакым ушен да ойым муын моштен. Чолгалыклан да мастралыклан кӧра тудо марий калыкын тамга айдемыш савырнен.

Раисия Михайловна Данилован ыштыме пашаже, ойлен кодымо поро ой-каҥашыже эре чоныштына илаш тӱҥалеш.

Марий Мер Каҥаш Раисия Михайловнан ешыжлан, родо-тукымжылан чаманымашым каласа.

Чеверын, Калык Шӱдыр!

Марий Мер Каҥаш