1 ноябрьыште Марий форумын шыже сессийже годым Морко районысо коллектив-влакын концертышт лие. Тудо Марий Элын кечыжлан пӧлеклалте. Тунам шке мастарлыкышт дене йочасадыш коштшо икшыве-влакат куандарышт.

Пайремыште тӱрлӧ кундемыште илыше марийын ойыртемжым ужна. Тыгодым куштымашат, мурымашат лийыч, ялысе хор выступатлыш.

Тиддеч вара Форумыш чумыргышо-влак Марий касыште капыштым лывыртышт. Касым чолга еҥ-влак Наташа Пушкина ден Эдуард Александров вӱдышт. Тыштат марийын койышыжо раш почылто.