Декаде 26 вӱдшор гыч 9 ага марте шуйнаш тӱҥалеш. Тӱрлӧ кундемлаште илыше марий-влак, шке Талешкыштым шарналтен, вуйым сават. Тӱрлӧ акций, вашлиймаш, пайрем кас-влак эртат.

26 вӱдшор кече «Талешке сорта» акций дене тӱҥале. Эрден эрак, марий-влак, йӱла почеш, С.Чавайнын чапкӱж воктене погынен, сортам чӱктышт, пеледышым пыштышт.

Саламлымаш мутым Марий Оньыжа Э.А. Александров, Марий Элысе Кугыжаныш Погынын алмаштышыже Е.П. Кузьмин, «Марий Эл» газетын директоржо А.С. Абдулов, «Мари ушем» марий мер ушем вуйлатыше В.Г. Петров, Марий книга савыктышын вуйлатышыже Ю.И. Соловьев ойлышт.

Тиддеч вара погынышо-влак район але мер ушем лӱм дене Йошкар-Ола мучко верланыше чапкӱ-влак деке миен савырнышт да Талешкына-влаклан вуйым савышт.

«Талешке сорта» акций Марий Элын да Россий кумдыкышто илыше марий-влакын тӱрлӧ кундемлаште эрта.