26 сентябрьыште Российысе финн-угор калык-влакын V съездыштын пашаж деч вара культурно каналташ лийын: тиде форумышко погынышо 300 утла финн-угор калык «Алёна Арзамасская» мордва балетым ончен, Мордовийым вуйлатыше Владимир Волковын приёмыштыжо лийын. Тунам республикын главаже чолга финн-угор-влаклан «За заслуги. В ознаменование 1000-летия единения мордовского народа с народами Российского государства» медальым кучыктен. Тыгай медаль дене Марий Эл гыч Валерий Мочаев (Марий Оньыжан алмаштышыже, Российысе финн-угор калык-влак ассоциацийын регионысо пӧлкажым вуйлатыше) палемдалтын. Саламлена!!!