5 январьыште Мер Каҥашын еҥже Алексей Григорьевич Кудрявцев 60 ияш лӱмгечыжым палемда.

Алексей Кудрявцев 1954 ийыште Киров кундем Кикнур район Ертӱр ялыште шочын. 1976 ийыште Вологодск кӱшыл партий школым тунем пытарен, а 1989 ийыште — Кировысо ялозанлык институтым. Кызыт Кикнур районысо администрацийыште ялозанлык пӧлкам вуйлата. 2005-2013 ийлаште Российысе АФУН мер толкынын еҥже лийын.

Алексей Григорьевичым Марий Оньыжа Анатолий Иванов да Мер Каҥашын еҥже-влак мотор лӱмгечыж дене шокшын саламлат. Тудлан кужу ӱмырым, тазалыкым, тыгаяк чолга, пӱсӧ уш-акылан да поро кумылан лияш тыланат.